1 Samuel 12:1 - AHYERƐLƐ KRONGRON

¹ Afei Samuel sele Yisrael amukoraa kyɛ, “Matie edwirɛ bɔ ɛmɔaha bahyire me ne amukoraa, na masi ɛmɔ hene mama ɛmɔ.

1 Samuel 12:1 Iomraidhean Croise

Hosea 13:11

Mvɛle yaa nzili hene mane ɛmɔ, na nyele ye mvili berɛ wɔ m’ahonehulɛ nu.

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 10:24

Na Samuel sele mmenia ne amukoraa kyɛ, “Ɛhe yeɛ AWURADE aneanea nu waye ye ɔ. Ebiala nne maen ye anu bɔ ɔte kyɛ ye ɔ.” Na mmenia ne amukoraa bɔ lele so kyɛ, “Nana, wɔ ngoa so oo!”

1 Samuel 8:9

Wɔ de, de b’edwirɛ ne to nu; nakoso kanzo bɛ kitii, ná maa benwu atee horɛ bɔ ɛhene ne kɔfa so koli bɛ so ɔ.”