1 Samuel 11:8 - AHYERƐLƐ KRONGRON

⁸ Na Sɔɔlo hale bɛ wɔ Beseke nen, né bɛ bɔ befi Yisrael ne bɛte apee ɛyaa nza, yeɛ bɛ bɔ befi Yuda ne koso bɛte apee aburasa.

1 Samuel 11:8 Iomraidhean Croise

2 Samuel 24:9

Mmenia bɔ bɛhale bɛ ne, Yoabo fale bɛ somaa nwo amaneɛ bɔle Nana Dawide: Yisrael ɛlɔen bɔ bɛkɔhora bɛkɔhɔ koɛ ne, bɛte apee sɔ alaa ɛyaa mmɔtwɛ, yeɛ Yuda deɛ wora bɛte apee sɔ alaa ɛyaa nnu.

2 Ahemvo 3:6

Yiti sɔ mmerɛ ne, Nana Yehoram sili nu fili Samaria ɔɔboaboale Yisrael koɛhonɛfoɛ amukoraa noa.

Maenbulɛfoɛ 20:2

Na Yisrael mbanyi amukoraa, mbanyi bɔ bɛlela mmusua kure ne amukoraa noa, beegyinane nekaa bɔ Nyameɛ mmenia babɔ dwaa ne. Koɛhonɛfoɛ bɔ betiratira akodeɛ bɔ babɔ dwaa ne, né bɛ somaa te apee ɛyaa nna.

1 Samuel 11:9

Na besele ɛbɔfoɛ mɔ bɔ bɛwale ne kyɛ, “Ɛmɔhɔ beese Yabese Gileadefoɛ kyɛ, ‘Ɛhema, kyɛ odwu eyiagyina ne, né ɛmɔanya defoɛ.’ ” Na ɛbɔfoɛ nemɔ fale amaneɛ bɛɛbɔle Yabesefoɛ nen, ɔyɛle bɛ fɛ.

1 Samuel 13:15

Na Samuel fili Gilgal sili nu hɔle. Afei koɛhonɛfoɛ bɔ baha berɛ ne, belili Sɔɔlo si bɛɛbokale bɛ mmango nemɔ aso. Na befili Gilgal bɛhɔle Gibea bɔ ɔwɔ Benyamin. Sɔɔlo hale koɛhonɛfoɛ bɔ baha ye nwo berɛ ne, na né bɛ somaa te mmienzua kɔyɛ ɛyaa nzia.

1 Samuel 15:4

Yiti Sɔɔlo tole ye sa frɛle koɛhonɛfoɛ nemɔ maa beyiale, na ɔhale bɛ wɔ Telaim. Né bɛ somaa te koɛhonɛfoɛ apee ɛyaa nyɔ bɔ bɛnate ase ɔ, ɔne Yuda koɛhonɛfoɛ apee buru.