1 Samuel 11:7 - AHYERƐLƐ KRONGRON

⁷ Ɔhyele nandwie nyii nyɔ bɔ bafa kɔnnua basosɔ bɛ babɔ nu ɔ, ɔpepɛle bɛ nu ahuronzi ahuronzi, na ɔfa somane ɛbɔfoɛ maa bɛhɔle Yisrael aseɛ so amukoraa beesele kyɛ, “Sona biala bɔ wanni Sɔɔlo ne Samuel si wangɔ koɛ ne, sɔ ala yeɛ bɛkɔpepɛ ye nandwie mɔ nu ɔ.” Afei AWURADE nwo suronyi tɔle maen ne aso, na mmenia ne amukoraa bɛbɔle nu befite bɛwale.

1 Samuel 11:7 Iomraidhean Croise

Gyenesise 35:5

Na besili nu bɔ bɛ́kɔ ne, Nyameɛ mane esuronyi kandinga tɔle nguro bɔ né bapɛ bɛ nwo bayia ne aso, yiti bangora bamvoa Yakob mma mmienzua nemɔ.

2 Aberɛso Dwirɛ 14:14

Nguro bɔ bapɛ Gera nwo bayia ne, Yudafoɛ lili bɛ so ngonim, ofikyɛ AWURADE nwo suronyi tɔle sɔ nguro nemɔ aso. Bɛfene nguro nemɔ amukoraa nu nningyein, ofikyɛ né koɛ nu nzesadeɛ pee wɔ berɛ.

2 Aberɛso Dwirɛ 17:10

Maen maen bɔ bapɛ Yuda nwo bayia ne, AWURADE nwo suronyi tɔle b’ahennie amukoraa so, na bamva koɛ bandoa Yehosafate ko.

2 Aberɛso Dwirɛ 19:7

Afei, ɛ́mɔsuro AWURADE na ɛ́mɔbua ndɛen turoloo, ofikyɛ AWURADE yɛ Nyameɛ onguro ndɛengyea, mmenia nu nyeyemuɛ anaa fea-ase-ma lelɛ.”

Yesaya 8:13

Asafo AWURADE ngome yeɛ odi kyɛ ɛmɔbu ye kyɛ ɔte krongron ɔ. Ye yeɛ odi kyɛ ɛmɔsuro ye, ye yeɛ odi kyɛ ɛmɔma ye nwo suronyi tɔ ɛmɔ so ɔ.

Maenbulɛfoɛ 19:29

Odwuli ye awuro ne, ɔfale dadeɛ ba. Ɔsɔle ye sómaa ne fuin ne anu, na ɔpepɛle nu ahuronzi ahuronzi buru ne nyɔ wɔ ye aporɛ aporɛ so, na ɔfa somane maa bɛhɔle Yisrael maen amukoraa nu.

Maenbulɛfoɛ 20:1

Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.