1 Samuel 11:2 - AHYERƐLƐ KRONGRON

² Nakoso Amonniɛ Nahase buale bɛ kyɛ, “Sɛ ngɔpene so kyɛ me ne ɛmɔ kɔyɛ apam a, sana metu ebiala nye famaa ne, maa ɔyɛ animguaseɛ ka Yisrael amukoraati.”

1 Samuel 11:2 Iomraidhean Croise

Gyenesise 34:14

Bebuale bɛ kyɛ, “Yɛyɔ ye sɔ a ɔngɔyɛ yee! Ɔte animguaseɛ ma yɛ kyɛ yɛkɔfa y’eliɛma brasua yɛkɔma sona bɔ ɔppɛle ye bienzua ɔ.

2 Ahemvo 18:31

Nnɛma ɛmɔtɛ Hesekia so, ofikyɛ Asiria hene nwa: Ɛ́mɔfite bɛbra ná ɛmɔɔli ɛmɔ ti dwirɛ wɔ me berɛ, amaa ɔnate so ebiala wanya ye bɔbɔ ye fieso aleɛ wali, na wanya ye bɔbɔ ye abura nu nzue wano,

Edwein 44:13

Amaa yɛ mmango mɔ bɛkã yɛ anyinga, na maen maen bɔ bapɛ yɛ nwo bayia ne, amaa bɛsere yɛ bɛgoro yɛ nwo.

Ɛksadɔso 3:6

Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Anyandera 12:10

Teneneeniɛ ɔdwene ye nyɛmmoa nwo, nakoso bɔnefoɛ de, ye anwumvoinnwunɛ po ɔte atianuserɛ.

Yeremia 39:7

Otutuli Sedekia nye, na oguale ye ngɔnzɔngɔnzɔ kyɛ ɔfa ye ɔkɔ Babilɔn.

Numeri 16:14

Wala ali pefee kyɛ nna aseɛ bɔ nyɔfonesue ne woɛ tengyɛ wɔ so ɔ so yeɛ afa yɛ awa ɔ, yeɛ ɛmma yɛnnyane agyapadeɛ bɔ ɔte aseɛ ne bobe boo ɔ. Nna ɛlakalɛ yeɛ ɛlakalaka mmenia ye ɔ? Yɛngɔwa!”

Maenbulɛfoɛ 16:21

Yiti Filistifoɛ hyele ye, na betutuli ye nye. Bɛfale ye bɛhɔle Gasa, na bɛfale kɔɔbere ngɔnzɔngɔnzɔ beguale ye. Na ɔla kuku nu berɛ ne, né ye yeɛ opia ngaen bɔ bɛfa beti aburoo ɔ.

1 Samuel 11:10

Na Yabesefoɛ sele Amonfoɛ kyɛ, “Ɛhema yɛkɔɔfa yɛ nwo yɛkowura ɛmɔ sa, na ɛmɔkɔhora kɔfa bɔ ɛmɔkuro biala bɛkɔyɛ yɛ.”

1 Samuel 12:12

Ɔwɔ nu kyɛ AWURADE ɛmɔ Nyameɛ yeɛ ɔte ɛmɔ hene ɔ, nakoso mmerɛ bɔ ɛmɔnwuni kyɛ Amonfoɛ hene Nahase ɔbaafa koɛ toa ɛmɔ ne, ɛmɔsele me kyɛ, ‘Daabi, ɔsɛ kyɛ yɛnya ɛhene maa odi yɛ so.’

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”