1 Samuel 11:15 - AHYERƐLƐ KRONGRON

¹⁵ Yiti mmenia ne amukoraati hɔle Gilgal, na bɛbɔle Sɔɔlo ohomoo besili ye hene wɔ AWURADE nyunu wɔ Gilgal. Bɛbɔle asomdwee afɔleɛ berɛ wɔ AWURADE nyunu, na Sɔɔlo ne Yisraelfoɛ amukoraati nye gyele paa wɔ berɛ.

1 Samuel 11:15 Iomraidhean Croise

2 Samuel 19:15

Yiti Nana Dawide sili nu kyɛ osa kɔ. Na oodwuli asue Yɔɔdan noa ne, Yuda abusua kure wale Gilgal kyɛ bɛbaayia ye bɛfa ye bɛpɛ Yɔɔdan.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Yakobo 4:16

Nakoso ɛmɔhoahoa ɛmɔ nwo wɔ ɛmɔ anwomasoɛ nu; na sɔ anwomasoɛ ne amukoraa te bɔne.

1 Samuel 10:17

Samuel tole asaa frɛle Yisrael maen ne maa bɛwale AWURADE nyunu wɔ Misepa,

1 Samuel 10:24

Na Samuel sele mmenia ne amukoraa kyɛ, “Ɛhe yeɛ AWURADE aneanea nu waye ye ɔ. Ebiala nne maen ye anu bɔ ɔte kyɛ ye ɔ.” Na mmenia ne amukoraa bɔ lele so kyɛ, “Nana, wɔ ngoa so oo!”

1 Samuel 10:8

Na ɛhe asi ne, di me nyunu moa kɔ Gilgal, na ngooyia wɔ berɛ ngɔbɔ naen yeralɛ afɔleɛ ne asomdwee afɔleɛ. Tena berɛ nwondɛ ɛlɛsoo, kɔpem kyɛ ngɔɔto wɔ berɛ ná ngohyire wɔ bɔ odi kyɛ ɛyɔ ɔ.”

1 Samuel 12:1

Afei Samuel sele Yisrael amukoraa kyɛ, “Matie edwirɛ bɔ ɛmɔaha bahyire me ne amukoraa, na masi ɛmɔ hene mama ɛmɔ.

1 Samuel 12:17

Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 8:19

Nakoso maen ne hwi fale Samuel noa dwirɛ so, na bɛhane kyɛ, “Daabi, yɛpena ɛhene bɔ ɔkɔla yɛ noa ɔ;