1 Samuel 11:13 - AHYERƐLƐ KRONGRON

¹³ Nakoso Sɔɔlo buale kyɛ, “Yɛngohu sona biala ɛnɛ kyẽa ye, ofikyɛ ɛnɛ te kyẽa bɔ AWURADE apepɛ ale Yisrael ɔ.”

1 Samuel 11:13 Iomraidhean Croise

2 Samuel 19:22

Nakoso Dawide buale kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu, bɔ ɛnɛ ɛmɔayɛ me pɔfoɛ ye? Aso ɛnɛ ɔsɛ kyɛ beku sona wɔ Yisrael anaa? Aso menze kyɛ ɛnɛ me yeɛ nde Yisrael so hene ɔ.”

2 Samuel 19:23

Na Nana Dawide tale ndaen foale so sele Simei kyɛ, “Ebiala ngohũ wɔ.”

2 Samuel 23:10

nakoso Eleasa de ogyinane pindinn. Ohuhuni Filistifoɛ alaa mane ye sa nyane, nakoso né ɔngora ye ngrandɛ ne anu yakyi. Na AWURADE maa olili ngonim kandinga sɔ kyẽa ne. Afei Yisrael koɛhonɛfoɛ nemɔ sa wale ye nwo berɛ, nakoso efuin nemɔ yeɛ beepuropurole bɛ nwo nningyein ɔ.

Ɛksadɔso 14:13

Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Ɛksadɔso 14:30

Yiti AWURADE lele Yisraelfoɛ fili Misraimfoɛ sa nu sɔ kyẽa ne; na Yisraelfoɛ nwuni Misraimfoɛ kyɛ bawuwu bagua mboanoa berɛ.

Yesaya 59:16

Onwuni kyɛ sona biala nne berɛ, na ɔyɛle ye nwanwa kyɛ kamafoɛ biala nne berɛ ɔ; yiti ye tumi maa onyane ngoalelɛ, na ye tenenee tiretirale ye nu.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Samuel 10:27

Nakoso hohwifoɛ biemɔ sele kyɛ, “Ɔkɔyɛ sɛɛ né akoaa he ahora ale yɛ?” Yiti bebuli ye animtia, na bamva akyɛdeɛ biala bammrɛ ye. Nakoso Sɔɔlo andɛ bɛ so.

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.

1 Samuel 19:5

Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”