1 Samuel 10:7 - AHYERƐLƐ KRONGRON

⁷ Na sɛ sɔ nningyein hemɔ ba nu ma wɔ a, yɔ nikyee biala bɔ ekuro ɔ, ofikyɛ Nyameɛ gyi wɔ si.

1 Samuel 10:7 Iomraidhean Croise

Gyenesise 21:20

Nyameɛ gyinane akwadaa ne asi, na onyini. Ɔtenane ɛserɛ so, na ɔyɛle agyaentolɛ bɔfoɛ.

2 Samuel 7:3

Na Natan buale Nana Dawide kyɛ, “Bɔ adwene ye nwo kyɛ ɛkɔyɔ ne, yɔ, ofikyɛ AWURADE gyi wɔ si.”

YOB NWOMAA NE 31:25

sɛ mvale m’anwonya pee ne nduli me nwo, anaakyɛ nhoahoale me nwo kyɛ me sa nu le bie;

Ɛksadɔso 4:8

Na Nyameɛ sele kyɛ, “Sɛ banne wɔ banni, anaakyɛ banne sɛngyerɛnneɛ bɔ oli moa ne bando nu a, bekole bɔ ɔtɔ so nyɔ ne bekoli.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Luka 2:12

Na ɛhe yeɛ ɔkɔyɛ sɛngyerɛnneɛ kɔma ɛmɔ ɔ: Ɛmɔkonwu adɔma bɔ bafa ɛtena bakyekye ye nwo bɔ ɔla alaka bɔ nyɛmmoa didi nu ɔ nu.”

Yohane 6:14

Na mmenia ne nwuni sɛngyerɛnneɛ bɔ ɔyɔle nen, bɛhane kyɛ, “Amba, ngɔmhyɛlɛniɛ bɔ ɔ́ba wiase ne, ye ɛhe!”

Deuteronomi 20:1

“Sɛ ɛne wɔ pɔfoɛ mɔ bɛkwaaho koɛ, ná sɛ enwu mbɔngɔ mɔ ne teaseɛnam mɔ, ɔne ɛlɔen bɔ bɛsone bɛtra wɔ a, nnɛsuro bɛ; ofikyɛ AWURADE wɔ Nyameɛ bɔ ɔyele wɔ fili Misraim aseɛ so wale ne, ogyi wɔ si.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Maenbulɛfoɛ 6:12

AWURADE abɔfo ne yele ye nwo ali hyirele Gideon, na osele ye kyɛ, “Koɛhonɛniɛ ahoneserɛniɛ, AWURADE gyi wɔ si.”

Maenbulɛfoɛ 9:33

Na ngyerɛmɔ tutuutu, eyia pukye pɛ, kɔfa koɛ toa kuro ne. Na sɛ Gaal ne koɛhonɛfoɛ bɔ bɛboka ye so ne, bɛfa koɛ bɛbayia wɔ a, ɛne bɛ ho pasaa kyɛ bɔ ɛkɔhora ɔ.”

1 Samuel 2:34

Na bɔ ɔkɔto wɔ mma nyɔ Hofini ne Finehase ne de, ɔkɔyɛ sɛngyerɛnneɛ kɔma wɔ: bɛ munyɔ bekowu ɛlɛho.

1 Samuel 20:13

Nakoso sɛ me baba anya adwene kyɛ okoli wɔ awue, ná sɛ manna ye ali mangyire wɔ ma angɔ asomdwee nu a, ye de AWURADE otua me Yonatan so kerɛ piri paa. Mesrɛ kyɛ AWURADE ogyina wɔ si, kyɛbɔ ogyi me baba si ne.

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.