1 Samuel 10:6 - AHYERƐLƐ KRONGRON

⁶ Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.

1 Samuel 10:6 Iomraidhean Croise

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 11:25

Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.

Numeri 11:26

Mmienzua nyɔ hale asikyeleɛ ne anu. Bɛfrɛ ko Eldade, yeɛ bɛfrɛ ko koso Medade. Sunzum ne wale bɛ so. Né bɛboka mbanyi bɔ Mose yele bɛ ne aso de, nakoso bamma ɛtena sua ne anwo dɔ bie, yiti bɛhyɛle ngɔm wɔ asikyeleɛ ne anu.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Mateo 7:22

Na sɔ kyẽa ne, mmenia pee yeɛ bekose me kyɛ, ‘Awurade, Awurade, aso yamva wɔ dumaa yanhyɛ ngɔm; aso yamva wɔ dumaa yandu sunzummɔne mɔ; aso yamva wɔ dumaa yanyɔ anwanwadeɛ pee?’

Maenbulɛfoɛ 14:6

AWURADE Sunzum wale ye so, na ole ye sa mbaen tetele gyata ne anu pasaa kyɛ wanya abɔngye ba bie bɔ ɔtete ye nu ɔ. Nakoso wanga bɔ wayɔ ne wangyire ye baba anaa ye maame.

Maenbulɛfoɛ 15:14

Samson oodwuli Lehi ne, Filistifoɛ bɔle ese beeyiale ye. AWURADE Sunzum wale ye so, na nyamaa bɔ ogua ye sa ne yɛle kyɛ gyese bɔ see atɔ nu ɔ, na nyamaa ne sangye fili ye sa.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

1 Samuel 10:10

Na befili berɛ beedwuli Gibea nen, ngɔmhyɛlɛfoɛ kure wale beeyiale ye, na Nyameɛ sunzum wale ye so, na ɔhyɛle ye bo ɔne bɛ bɔle nu hyɛle ngɔm.

1 Samuel 10:9

Sɔɔlo kakyili ye nwo kyɛ ofi Samuel nwo berɛ kɔ ne, Nyameɛ sesane Sɔɔlo maa ɔyɛle sona foforɛ; na sɔ nzɛngyerɛnneɛ ne amukoraa wale nu sɔ kyẽa ne ala.

1 Samuel 11:6

Na mmerɛ bɔ Sɔɔlo tele sɔ dwirɛ nen, Nyameɛ sunzum kanyane ye, na ɔfɛle yaa hahii.

1 Samuel 16:13

Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.

1 Samuel 19:20

Yiti Sɔɔlo somane mmenia kyɛ bɛɛhye Dawide bɛbra. Mmerɛ bɔ Sɔɔlo bɔfoɛ nemɔ nwuni ngɔmhyɛlɛfoɛ kure ne kyɛ begu so bɛhyɛ ngɔm, bɔ né Samuel gyi berɛ ɔ́nea bɛ so ne, Nyameɛ sunzum wale ɛbɔfoɛ nemɔ so mane bɛ koso bɛhyɛle ngɔm.