1 Samuel 10:3 - AHYERƐLƐ KRONGRON

³ Efi berɛ toa so kɔ wɔ nyunu, ná ekodwu Tabɔ eluii ne anwo a, ekoyia mmienzua nza wɔ berɛ bɔ bɛkwaasɔne Nyameɛ wɔ Betel ɔ. Ko tira mbɔngye mmaa nza, ko tira paanoo mumua nza, yeɛ ko wora otira bobe nzaa ngomvo ko.

1 Samuel 10:3 Iomraidhean Croise

Gyenesise 28:19

Na ɔfrɛle berɛ Betel, nakoso daa ne de, né bɛfrɛ kuro ne Luse.

Gyenesise 28:22

Na nyɔboɛ he bɔ mafa mapena berɛ mayɛ ngayeɛ nyɔboɛ ye kɔyɛ Nyameɛ awuro, na nikyee biala bɔ ɛkɔma me ne, ngɔma wɔ so buru nu ngyɛmuɛ ko.”

Gyenesise 35:1

Nyameɛ sele Yakob kyɛ, “Dwɔso kɔ Betel kɔtena dɔ; na si afɔleɛ bokyea ma Nyameɛ bɔ ɔyele ye nwo ali hyirele wɔ wɔ mmerɛ bɔ ɔnate eliɛma Yisɔ ti ɛnwatili ne.”

Gyenesise 35:3

Ɛ́mɔma yɛdwɔso yɛhɔ Betel, maa ngonzi afɔleɛ bokyea berɛ ma Nyameɛ bɔ otiele me wɔ mmerɛ bɔ me nwo hyerele me ne, na wagyina me si nekaa biala bɔ mahɔ ne.”

Edwein 89:12

Wɔ yeɛ ɛbɔle sorɔ ne ngwaen ɔ, Tabɔ ne Hɛmɔn bele anigye bɛye wɔ dumaa ayɛ.

Yeremia 32:8

Yeɛ me baba aliɛma bienzua awa Hanamel gyinane AWURADE dwirɛ so wale me berɛ wɔ kuku nu aluo berɛ, na osele me kyɛ, ‘Mesrɛ wɔ, tɔ me boo bɔ ɔwɔ Anatote bɔ ɔwɔ Benyamin maen nu ne, ofikyɛ wɔ yeɛ ele ye nwo ate kyɛ agyapadeɛ ne ɔbadi wɔ berɛ ɔ; wɔ yeɛ odi kyɛ ɔba wɔ sa nu; yiti tɔ ná fa. Na nwuni kyɛ edwirɛ ne, ɔte AWURADE dwirɛ.

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 23:13

Na aburoo afɔleɛ bɔ ɔboka so ne, odi kyɛ bɛfa esam paa bɔ bafa ngoo bafra ye ɔ olonka nyɔ; ɔte afɔleɛ bɔ bɛbɔ bɛma see so bɛma AWURADE ná ɔbo ye fona ɔ. Anonneɛ afɔleɛ bɔ ɔboka so ne, odi kyɛ bɛfa bobe nzaa towaa ko ne bue.

Lewitikɔso 3:12

“Sɛ w’afɔleɛ ne te abɔngye a, odi kyɛ ɛfa ba AWURADE nyunu,

Lewitikɔso 3:6

“Sɛ asomdwee afɔleɛ bɔ ɛbɔ ma AWURADE ne fi mmoaen kure ne anu a, nyii oo, beleɛ oo, odi kyɛ ɔyɛ kaka bɔ ollili nnɛen biala ɔ.

Lewitikɔso 7:13

Na w’asomdwee afɔleɛ bɔ ɛfa da ase ne de, odi kyɛ ɛfa mɔle harewaa paanoo ɛboka so.

Yosua 19:12

Ofi Saride a, ɔkondo fa eyia afiteleɛ bue nu dɔ kɔ Kiselote Tabɔ ɛwɛen so. Ɔtoa so kɔ Daberate, na ɔfo kɔ Yafia.

Yosua 19:22

Ɛwɛen ne fa Tabɔ bokaa ne, Sahasuma, Bete Semese, na ye noa kɔpem asue Yɔɔdan: bɛte nguro buru ne nzia ne bɛ namue mɔ.

Maenbulɛfoɛ 20:18

Yisraelfoɛ sili nu bɛhɔle Betel beebisale Nyameɛ kyɛ, “Yɛ nu abusua kure beni yeɛ oli moa ɔfa koɛ ɔɔteta Benyaminfoɛ ɔ?” Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ.”

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

Maenbulɛfoɛ 20:27

Na Yisraelfoɛ bisale AWURADE dwirɛ (ofikyɛ sɔ mmerɛ ne, né Nyameɛ apam alaka ne wɔ berɛ,

Maenbulɛfoɛ 4:12

Mmerɛ bɔ bɛbɔle Sisera amaneɛ kyɛ Abinoam awa Barake wafa koɛhonɛfoɛ wahɔ Tabɔ bokaa ne aso ne,

Maenbulɛfoɛ 4:6

Debora somane maa bɛɛfrɛle Abinoam awa bienzua Barake befili Kedese bɔ ɔwɔ Nafetali ne bɛbrɛle ye. Na osele ye kyɛ, “AWURADE Yisrael Nyameɛ ahyɛdeɛ bɔ ɔfa ma wɔ ɛhe: ‘Yeye koɛhonɛfoɛ apee buru fi Nafetali ne Sebulɔn mmusua kure nu, ná di bɛ nyunu fa bɛ kɔ Tabɔ bokaa ne aso.

Maenbulɛfoɛ 8:18

Yeɛ obisale Seba ne Samuna kyɛ, “Mmienzua bɔ ɛmɔhuhuni bɛ wɔ Tabɔ ne, bɛ sue te sɛɛ?” Bebuale kyɛ, “Bɛ nu biala te kyɛ wɔ ala; besoma mmenia bɔ bɛ se te ɛhene ɔ.”

1 Samuel 10:4

Bekobisa wɔ ahye, na bɛkɔma wɔ paanoo mumua nyɔ bɔ odi kyɛ ede ɔ.