1 Samuel 10:26 - AHYERƐLƐ KRONGRON

²⁶ Sɔɔlo koso hɔle ye awuro wɔ Gibea, na koɛhonɛfoɛ biemɔ bɔ Nyameɛ kanyane bɛ ɔ yeɛ bɛfale ye bɛhɔle ɔ.

1 Samuel 10:26 Iomraidhean Croise

2 Samuel 21:6

maa bɛfa ye boso ama mmienzua nzoo bewura yɛ sa, ná yɛɛbɔ bɛ kɔme wɔ AWURADE nyunu, wɔ Sɔɔlo bɔ AWURADE neaneane nu yele ye ne ye kuro Gibea.” Na Nana Dawide hane kyɛ, “Ngɔfa bɛ ngɔma ɛmɔ.”

Ɛsra 1:5

Na ɛhe mane Yuda ne Benyamin abusua nu mbanyi, asɔfo ne Lewifoɛ, yeɛ ebiala bɔ Nyameɛ kanyane ye ne, ɔboaboale ye nwo kyɛ ɔkɔ Yerusalem osa kosi AWURADE awuro ne.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Yesaya 10:29

Baafa kongonyi ne anu dɔ, baasikye kɔngɔen wɔ Geba. Ahunundetelɛ atɔ Rama so, Sɔɔlo kuro Gibea so ama banwati.

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Asomafoɛ 7:10

ɔyele ye fili ye amaneɛnwunɛ amukoraa nu. Ɔmane ye adom ne nworɛ wɔ Misraim hene Faro nyunu, na ɛhene ne fale ye sili Misraim ne ye awuro so amukoraa amrado.

Yosua 18:28

Sela, Haelefe, Yebusi (bɔ ye ole Yerusalem), Gibea ne Kiriate Yearim: bɛte nguro buru ne nna ne bɛ namue mɔ. Benyamin abusua kure ne, kyɛbɔ nu mmusua mmusua ne te ne, ye aseɛ deɛ ɛne.

Maenbulɛfoɛ 20:14

Benyaminfoɛ fili bɛ nguro nemɔ aso bɛɛboale bɛ noa wɔ Gibea kyɛ bɛ ne Yisraelfoɛ bɛkwaaho.

1 Samuel 11:4

Ɛbɔfoɛ nemɔ dwuli Sɔɔlo kuro Gibea, na bɛfale edwirɛ ne nwo amaneɛ bɛbɔle berɛ ama nen, mmenia ne amukoraa bɛsɔle awuyebɔlɛ nu.

1 Samuel 13:2

Sɔɔlo neaneane Yisrael maen ne anu yele mmienzua apee nza. Bɛ nu apee nyɔ ne Sɔɔlo hɔle Mikimase ne Betel mmokaa aseɛ so, yeɛ apee ko koso ne Yonatan bɛhɔle Gibea bɔ ɔwɔ Benyamin. Na koɛhonɛfoɛ ngaa ne de, ɔmaa besa bɛhɔle b’awuro.

1 Samuel 15:34

Afei Samuel hɔle Rama, yeɛ Sɔɔlo koso hɔle ye kuro Gibea.