1 Samuel 10:24 - AHYERƐLƐ KRONGRON

²⁴ Na Samuel sele mmenia ne amukoraa kyɛ, “Ɛhe yeɛ AWURADE aneanea nu waye ye ɔ. Ebiala nne maen ye anu bɔ ɔte kyɛ ye ɔ.” Na mmenia ne amukoraa bɔ lele so kyɛ, “Nana, wɔ ngoa so oo!”

1 Samuel 10:24 Iomraidhean Croise

2 Samuel 16:16

Yeɛ Akiniɛ Husae bɔ ɔte Dawide adamvo ne, ɔwale Absalom berɛ, na obisale Absalom ahye kyɛ, “Nana, wɔ ngoa so oo! Nana, wɔ ngoa so oo!”

2 Samuel 21:6

maa bɛfa ye boso ama mmienzua nzoo bewura yɛ sa, ná yɛɛbɔ bɛ kɔme wɔ AWURADE nyunu, wɔ Sɔɔlo bɔ AWURADE neaneane nu yele ye ne ye kuro Gibea.” Na Nana Dawide hane kyɛ, “Ngɔfa bɛ ngɔma ɛmɔ.”

1 Ahemvo 1:21

Nana, me mene, wamma ye sɔ a, sɛ ɛtoa wɔ mbanyi mɔ a, bekobu me ne mma Solomon kyɛ yɛte ɛlɔenyɛlɛfoɛ.”

1 Ahemvo 1:25

Ofikyɛ Nana, ɛnɛ wafa nandwie nyii, nandwie sayɛɛ ɔne mmoaen pee wabɔ afɔleɛ, na wato ye sa wafrɛ wɔ mma nemɔ amukoraa, yeɛ safohene Yoabo ɔne ɔsɔfo Abiata. Kekesaala ye, bɛ ne ye bedidi bɛno, na bɛkã kyɛ, ‘Nana Adoniya, wɔ ngoa so oo!’

1 Ahemvo 1:34

Ɛ́mɔma ɔsɔfo Sadoke ne ngɔmhyɛlɛniɛ Natan bɛpopa ye ngoo bɛfa ye besi Yisrael so hene wɔ berɛ. Afei ɛ́mɔhu totorobɛndo ne, ná ɛmɔhã kyɛ, ‘Nana Solomon, wɔ ngoa so oo!’

1 Ahemvo 1:39

Ɔsɔfo Sadoke fale ngoo towaa fili ɛtena sua krongron ne anu hɔle, na ɔpopale Solomon ngoo wɔ berɛ. Afei behuli totorobɛndo ne, na ɛlɔen ne amukoraati bɔ lele so kyɛ, “Nana Solomon, wɔ ngoa so oo!”

2 Ahemvo 11:12

Afei Yehoada yele Nana Ahasia awa ne fitele. Ɔfale ahennie abotire bɔle ye, na ɔfale Adanzeɛ nwomaa ne mane ye. Bɛbɔle ye ohomoo, na bɛfale ɛpopalɛ ngoo bɛpopale ye. Bɛbɔle bɛ sa nu bɛbɔle ese kyɛ, “Nana, wɔ ngoa so oo!”

2 Aberɛso Dwirɛ 23:11

Afei Yehoada yele Nana Ahasia awa Yoase fitele. Ɔfale ahennie abotire bɔle ye, na ɔfale Adanzeɛ nwomaa ne mane ye. Bɛbɔle ye ohomoo, na Yehoada ne ye mma bɛfale ɛpopalɛ ngoo bɛpopale ye. Na bɛbɔle ese kyɛ, “Nana, wɔ ngoa so oo!”

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Deuteronomi 17:15

ye de, sona bɔ AWURADE wɔ Nyameɛ kɔneanea nu kɔye ye ne, ye yeɛ maa oli wɔ so hene ɔ. Wɔ bɔbɔ eliɛma nemɔ anu bie yeɛ fa ye ma oli wɔ so hene ɔ. Amanvoraniɛ de, nna eliɛma ɔ, yiti nnɛfa ye maa odi wɔ so hene.

1 Samuel 11:15

Yiti mmenia ne amukoraati hɔle Gilgal, na bɛbɔle Sɔɔlo ohomoo besili ye hene wɔ AWURADE nyunu wɔ Gilgal. Bɛbɔle asomdwee afɔleɛ berɛ wɔ AWURADE nyunu, na Sɔɔlo ne Yisraelfoɛ amukoraati nye gyele paa wɔ berɛ.

1 Samuel 12:1

Afei Samuel sele Yisrael amukoraa kyɛ, “Matie edwirɛ bɔ ɛmɔaha bahyire me ne amukoraa, na masi ɛmɔ hene mama ɛmɔ.

1 Samuel 12:13

Afei, ɛ́mɔnea, ɛhene bɔ ɛmɔaneanea nu baye ye, bɔ ɛmɔsrɛle ne, ye ɛhe. Ɛ́mɔtie, AWURADE asi ɛmɔ hene wama ɛmɔ.

1 Samuel 9:2

Né ole baa bienzua aberandeɛ anwonyemene bie bɔ oli Sɔɔlo. Né sona biala nne Yisrael bɔ ye anwonyemene tra ye ɔ. Maen ne anu, ɔne sona biala gyi berɛ a, ɔwale tra ye.