1 Samuel 10:21 - AHYERƐLƐ KRONGRON

²¹ Benyamin abusua kure ne, ɔmane nu mmusua mmusua ne beegyinane anyunu berɛ. Na beguale serewa maa ɔyele Matri abusua ne. Ɔmane Matri abusua nu ama beegyinane anyunu berɛ, na serewagualɛ ne yele Kise awa Sɔɔlo. Nakoso bɛpenane Sɔɔlo ne, bannwu ye.

1 Samuel 10:21 Iomraidhean Croise

2 Samuel 3:19

Abenɛ ne Benyaminfoɛ koso belili ngitahoɛ. Afei Abenɛ hɔle Hebron, kyɛ nikyee biala bɔ Yisrael ne Benyamin sasofoɛ amukoraa bale bato nu kyɛ bɛkɔyɔ ne, ɔkwaafa ye nwo amaneɛ ɔbɔ Dawide.

Anyandera 18:18

Serewagualɛ ma aporowaa so pɛ, na obua tumifoɛ mɔ b’afia ndɛen.

Yona 1:7

Yeɛ besisele bɛ nwo bɛ nwo kyɛ, “Ɛmɔbra maa yɛgua serewa, amaa ɔnate so yanwu sona horɛ bɔ ye ti yeɛ sɔ musue he wato yɛ ye.” Yiti beguale serewa, na serewa ne yele Yona.

Asomafoɛ 13:21

Na afei, bɛsrɛle kyɛ bɛpena ɛhene, na Nyameɛ mane bɛ Kise awa Sɔɔlo, bɔ ofi Benyamin abusua kure nu, afoɛ aburanna.

1 Samuel 10:20

Afei Samuel mane Yisrael mmusua kure amukoraa beegyinane anyunu berɛ, na beguale serewa maa ɔyele Benyamin abusua kure ne.

1 Samuel 10:22

Yiti besa bebisale AWURADE kyɛ, “Sɔ sona ne, aso wamma wa bie anaa?” Na AWURADE buale kyɛ, “Ɛ́mɔnea, waafea nningyein bɔ baboaboa ye noa ne anu.”

1 Samuel 9:2

Né ole baa bienzua aberandeɛ anwonyemene bie bɔ oli Sɔɔlo. Né sona biala nne Yisrael bɔ ye anwonyemene tra ye ɔ. Maen ne anu, ɔne sona biala gyi berɛ a, ɔwale tra ye.