1 Samuel 10:2 - AHYERƐLƐ KRONGRON

² Ɛnɛ sɛ efi me nwo wa ná ɛkɔ a, ekoyia mmienzua nyɔ wɔ Rahɛl asieleɛ ne anwo, wɔ Selsa, wɔ Benyamin aseɛ so. Na bekose wɔ kyɛ, ‘Afunum mɔ bɔ ɛhɔle bɛ penalɛ ne, banwu bɛ. Afei de, wɔ baba ndwene afunum nemɔ nwo ko, na mmom ɛmɔ nwo adwenedwene yeɛ watɔ ye so ɔ. Na ɔnwa: Yieee, mma ye, mekwaanwu ye ni?’

1 Samuel 10:2 Iomraidhean Croise

Gyenesise 35:16

Afei befili Betel. Na ɔka kãa maa bedwu Efrate ne, aworɛ hane Rahɛl, na ye aworɛ ne anu yɛle se.

Gyenesise 48:7

Ofikyɛ mvi Padan méba ne, atee nu, ɔhale kãa maa yɛdwu Efrate ne, Rahɛl wuli Kanaan aseɛ so mane me wora bɔle, na nziele ye wɔ Efrate (bɔ ye ole Betlehem) atee nu.”

Yeremia 31:15

AWURADE nwa nyoo: “Bɛtele komviɛ bie wɔ Rama, awuye ne esuɛ hahii. Rahɛl sũ ye mma, ye mma nemɔ ati, bɛkyekye ye wora a, ondie, ofikyɛ bɛnne berɛ ko.”

Yosua 18:28

Sela, Haelefe, Yebusi (bɔ ye ole Yerusalem), Gibea ne Kiriate Yearim: bɛte nguro buru ne nna ne bɛ namue mɔ. Benyamin abusua kure ne, kyɛbɔ nu mmusua mmusua ne te ne, ye aseɛ deɛ ɛne.

1 Samuel 10:16

Na Sɔɔlo buale ye baba aliɛma bienzua ne kyɛ, “Osele yɛ pefee kyɛ banwu afunum nemɔ.” Nakoso ahennie ne nwo dwirɛ bɔ Samuel ha hyirele Sɔɔlo ne de, wammɔ so wangyire ye.