1 Samuel 10:19 - AHYERƐLƐ KRONGRON

¹⁹ Nakoso ɛnɛ de, ɛmɔapo ɛmɔ Nyameɛ bɔ ode ɛmɔ fi ɛmɔ amaneɛ mukoraa ne ɛmɔ anwokyere mukoraa nu ne, na ɛmɔaha bahyire ye kyɛ, ‘Daabi, si hene ma yɛ.’ Ye sɔ ne ati, ɛmɔbra beegyina AWURADE nyunu abusua kure abusua kure ne mmusua mmusua.”

1 Samuel 10:19 Iomraidhean Croise

Anyandera 16:33

Mmenia gua serewa de, nakoso nu ngyerɛmuɛ ne amukoraa ofi AWURADE.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Numeri 11:20

na mmom ɛmɔkoli ye bosome ko mumua, kɔpem kyɛ ɔkɔfa ɛmɔ bonyi anu, ná wabɔ ɛmɔ ɔ, ofikyɛ ɛmɔapo AWURADE bɔ ɔne ɛmɔ te ne, na ɛmɔabɔ awuye wɔ ye nyunu kyɛ, ‘Nzu ati po yeɛ yɛtu yɛfili Misraim ye?’ ”

Numeri 17:2

“Ka kyire Yisraelfoɛ maa bɛma wɔ pɔmaa buru ne nyɔ. Dé fi bɛ bɔ betua bɛ nana mɔ sasofoɛ noa ne amukoraa bɛ dɔ; bɛ bɔ betua bɛ nana mɔ sasofoɛ noa ne, ebiala ye deɛ ko. Kyerɛ ebiala ye dumaa gua ye pɔmaa nwo,

Deuteronomi 17:14

“Sɛ edwu aseɛ bɔ AWURADE wɔ Nyameɛ ɔ́fa ma wɔ ne aso, wɔ sa ka ye, ná ɛtena so, ná afei ɛkã kyɛ, ‘Ngɔfa sona maa okoli me so hene, kyɛbɔ maen maen mukoraa bɔ bapɛ me nwo bayia ne bayɔ ne’ a,

Yosua 24:1

Afei Yosua mane Yisrael mmusua kure ne amukoraati yiale wɔ Sɛkem. Ɔfrɛle Yisrael mbanyi, mmusua mbanyi, ndɛenbualɛfoɛ ne atitirefoɛ, na beegyinane Nyameɛ nyunu.

Maenbulɛfoɛ 8:23

Gideon buale bɛ kyɛ, “Me de mengoli ɛmɔ so hene, yeɛ mma koso ngoli ɛmɔ so hene; mmom AWURADE yeɛ okoli ɛmɔ so hene ɔ.”

1 Samuel 10:20

Afei Samuel mane Yisrael mmusua kure amukoraa beegyinane anyunu berɛ, na beguale serewa maa ɔyele Benyamin abusua kure ne.

1 Samuel 12:12

Ɔwɔ nu kyɛ AWURADE ɛmɔ Nyameɛ yeɛ ɔte ɛmɔ hene ɔ, nakoso mmerɛ bɔ ɛmɔnwuni kyɛ Amonfoɛ hene Nahase ɔbaafa koɛ toa ɛmɔ ne, ɛmɔsele me kyɛ, ‘Daabi, ɔsɛ kyɛ yɛnya ɛhene maa odi yɛ so.’

1 Samuel 14:23

Yiti AWURADE mane Yisrael lili ngonim sɔ kyẽa ne. Bɛhone toonn beedwuli Bete Awen si dɔ.

1 Samuel 14:38

Yeɛ Sɔɔlo sele kyɛ, “Safohene mɔ amukoraa, ɛmɔbra wa. Ɛ́mɔma yɛ́pena atee bɔ bɔne he nate so wale ɛnɛ ɔ.

1 Samuel 3:21

AWURADE hɔle so yele ye nwo ali wɔ Silo, ofikyɛ AWURADE nate ye bɔbɔ ye dwirɛ so yele ye nwo ali hyirele Samuel wɔ Silo.

1 Samuel 4:1

Samuel noa dwirɛ dwuli Yisrael amukoraati. Filistifoɛ boaboale bɛ noa kyɛ bɛkwaafa koɛ bɛtoa Yisrael. Na Yisraelfoɛ tuli bi bɛhɔle kyɛ bɛ ne Filistifoɛ bɛkwaaho. Bɛkyekyele asikyeleɛ wɔ Ebenesa, yeɛ Filistifoɛ koso kyekyele asikyeleɛ wɔ Afeke.

1 Samuel 8:19

Nakoso maen ne hwi fale Samuel noa dwirɛ so, na bɛhane kyɛ, “Daabi, yɛpena ɛhene bɔ ɔkɔla yɛ noa ɔ;

1 Samuel 8:5

beesele ye kyɛ, “Ayɛ aworowaa, yeɛ wɔ mma nemɔ koso bamva wɔ suban, yiti ye ɛhene ma yɛ ma oli yɛ so, kyɛbɔ maen ngaa nemɔ bɛyɔ ne ala.”