1 Samuel 10:12 - AHYERƐLƐ KRONGRON

¹² Na biaa bie bɔ ofi kuro berɛ ala buale kyɛ, “Na nwa yeɛ ɔla bɛ noa ɔ?” Yiti ɔɔyɛle mbanyi mɔ dwirɛ bie bɔ ɔla berɛ kyɛ, “Sɔɔlo koso boka ngɔmhyɛlɛfoɛ nemɔ so hɔ ɔ?”

1 Samuel 10:12 Iomraidhean Croise

Yesaya 54:13

AWURADE kohyirehyire wɔ mma mukoraa nikye, na wɔ mma konya asomdwee pee.

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.

Yohane 7:16

Na Yesu buale bɛ kyɛ, “Me ngyerɛkyerɛ ne ɔtte me deɛ, na mmom ɔte bɔ ɔsomane me ne deɛ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

1 Samuel 10:13

Na ngɔmhyɛlɛ ne fili ye nye so nen, ɔhɔle asɔneyɛɛ so berɛ.

1 Samuel 19:23

Osili nu bɔ ɔkɔ Nayote bɔ ɔwɔ Rama nen, ye koso Nyameɛ sunzum wale ye so. Na ɔkɔ ne, ɔhyɛle ngɔm toonn oodwuli Nayote bɔ ɔwɔ Rama.

1 Samuel 19:24

Ye koso opuropurole ye ndaadeɛ, na ɔhyɛle ngɔm wɔ Samuel nyunu berɛ. Na ɔfale ye nwo tole so lale berɛ sɔ kyẽa ne, eyia ne kɔngɔen amukoraa. Yiti ɔɔyɛle edwirɛ bie bɔ ɔla berɛ kyɛ, “Sɔɔlo koso boka ngɔmhyɛlɛfoɛ nemɔ so hɔ ɔ?”