1 Samuel 10:1 - AHYERƐLƐ KRONGRON

¹ Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 10:1 Iomraidhean Croise

2 Samuel 1:14

Na Dawide bisale ye kyɛ, “Sona bɔ AWURADE apopa ye ngoo ne, yiti anzuro kyɛ ekohu ye ɔ?”

2 Samuel 19:39

Afei koɛhonɛfoɛ ne amukoraa bɛ ne Nana Dawide bɛpɛle asue ne. Na anzana Nana Dawide baapɛ asue ne nen, ɔtɔle Basilae nu yɛle ye atuu, oyirale ye, na Basilae sa hɔle ye kuro.

2 Samuel 20:19

Asomdwee mmenia ne mmenia bɔ bedi nahorɛ wɔ Yisrael ne, bɛ nu ko ole me. Kuro bɔ ye nwo hia paa wɔ Yisrael yeɛ ɛpena kyɛ ɛbɔ ye ɔ. Nzu ati yeɛ ɛpena kyɛ enua AWURADE agyapadeɛ boso ɔ.”

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

1 Ahemvo 1:34

Ɛ́mɔma ɔsɔfo Sadoke ne ngɔmhyɛlɛniɛ Natan bɛpopa ye ngoo bɛfa ye besi Yisrael so hene wɔ berɛ. Afei ɛ́mɔhu totorobɛndo ne, ná ɛmɔhã kyɛ, ‘Nana Solomon, wɔ ngoa so oo!’

1 Ahemvo 19:18

Nakoso ngɔyakyi mmenia apee nzoo maa bekonya bɛ ti bekodidi nu wɔ Yisrael, bɔ bɛ nu biala ɔffale ye nangoroma ɔkkotole Baal le, bɔ ɔffele Baal noa le ɔ.”

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

2 Ahemvo 9:1

Na ngɔmhyɛlɛfoɛ fekue ne, ngɔmhyɛlɛniɛ Elisa frɛle bɛ nu ko sele ye kyɛ, “Bɔ w’abɔsoɛ, fa sɔ ngoo towaa he tira, na kɔ Ramote Gileade.

2 Ahemvo 9:12

Bebuale ye kyɛ, “Anoanu! Nea nu kã kyire yɛ!” Yiti Yehu sele kyɛ, “Edwirɛ bɔ ɔhã hyirele me ɛhe, ‘AWURADE nwa: Mapopa wɔ ngoo mafa wɔ masi Yisrael so hene.’ ”

Edwein 135:4

Ofikyɛ AWURADE aneanea nu waye Yakob wama ye nwo, wafa Yisrael wayɛ ye bɔbɔ ye agyapadeɛ.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 78:71

mmoaen bɔ bɛma bɛ mma nyɔfone ne, ɔmaa ɔyakyili bɛ so nealɛ, kyɛ ɔɔnea ye maen Yakob, bɔ ye ole Yisrael bɔ ɔte ye agyapadeɛ ne aso.

Ɛksadɔso 30:23

“Fa ayirefona paa: korobo nzue bɔ nu nonɛ te kilo nzia, ayirefona kilo nza, ɔne ɛmanyire kilo nza,

Yeremia 10:16

Ye bɔ ɔte Yakob kyɛfa ne, ye de ɔtte kyɛ bɛ, ofikyɛ ye yeɛ ɔbɔle nningyein amukoraa ɔ; Yisrael te maen bɔ ɔte ye agyapadeɛ ɔ, na ye dumaa ole Asafo AWURADE.

Hesekiel 16:13

Mvale sikaa kɔkorɛ ne ɛdwetɛ nziesiele wɔ nwo, na ɛherale nwera paa, kende ne ɛtena bɔ bali adwii bagua nu ɔ. Elili esam paa, woɛ ne ngoo aleɛ; enyini yɛle nyemene paa, na enyane ahennie dibea.

Hosea 13:2

Afei de, bɛkɔ so bɛyɔ bɔne, na behuro bɛ dwetɛ bɛfa bɛyɔ amoen bɛma bɛ nwo, amoen mɔ bɔ bɛ bɔbɔ bafa ɛdwetɛ bali adwii bayɔ, bɔ ye mukoraa te dwumvoɛ sa noa adwuma ɔ. Bɛkã bɛfa bɛ nwo kyɛ, “Bɛ bɔ bɛbɔ afɔleɛ ne, odi kyɛ bɛfe nandwie nyii akrɔngrɔma nemɔ noa.”

Asomafoɛ 13:21

Na afei, bɛsrɛle kyɛ bɛpena ɛhene, na Nyameɛ mane bɛ Kise awa Sɔɔlo, bɔ ofi Benyamin abusua kure nu, afoɛ aburanna.

Deuteronomi 32:9

Na AWURADE de, ye kyɛfa ole ye mmenia, Ye agyapadeɛ ole Yakob.

1 Tɛsalonikafoɛ 5:26

Ɛmɔyɛ aliɛmaa nemɔ amukoraa awaawaatuu krongron nu.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 13:14

nakoso kekesaala ye de, w’ahennie ne ngogyina. AWURADE apena sona bɔ ɔla ye ahone nwo ɔ, na AWURADE afa ye ali ye maen so hene, ofikyɛ anni edwirɛ bɔ AWURADE hyɛle wɔ ne aso.”

1 Samuel 15:1

Samuel sele Sɔɔlo kyɛ, “Me yeɛ AWURADE somane me maa mvale ɛpopalɛ ngoo mmanguale wɔ ti so nzili wɔ ye maen so hene ɔ. Afei, tie AWURADE noa dwirɛ.

1 Samuel 15:17

Na Samuel sele kyɛ, “Ɔwɔ nu kyɛ ebu wɔ nwo kyɛ ɛte kwahweabaa bie de, nakoso aso nna wɔ yeɛ ɛla Yisrael mmusua kure nemɔ noa ɔ? AWURADE popale wɔ ngoo fale wɔ lili Yisrael so hene;

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 16:13

Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.

1 Samuel 2:10

Okoyie AWURADE pɔfoɛ mɔ pasapasa, Anwuro Anwuro Nyameɛ kɔbɔ nu kurudududu kofi nyameɛso kogua bɛ so, AWURADE kobua aseɛ so amukoraa ndɛen, ɔkɔma ye hene ne anwoserɛ, na ɔkɔma bɔ wapopa ye ngoo ne konya tumi.”

1 Samuel 24:6

Na osele ye mmenia nemɔ kyɛ, “AWURADE pa gua kyɛ ngɔyɔ sɔ nikyee ne ngotia me mene bɔ AWURADE apopa ye ngoo ɔ, kyɛ ngɔfa me sa ngɔhã ye ɔ, ofikyɛ AWURADE apopa ye ngoo.”

1 Samuel 26:11

AWURADE pa gua kyɛ ngɔfa me sa ngɔhã sona bɔ AWURADE apopa ye ngoo ɔ. Nakoso tu pealɛɛ bɔ ɔpena ye ti sorɔ berɛ ne, ná fa nzue ngomvo ne boka so ma yɛhɔ.”

1 Samuel 26:9

Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”

1 Samuel 8:19

Nakoso maen ne hwi fale Samuel noa dwirɛ so, na bɛhane kyɛ, “Daabi, yɛpena ɛhene bɔ ɔkɔla yɛ noa ɔ;

1 Samuel 8:9

Wɔ de, de b’edwirɛ ne to nu; nakoso kanzo bɛ kitii, ná maa benwu atee horɛ bɔ ɛhene ne kɔfa so koli bɛ so ɔ.”

1 Samuel 9:16

“Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”

1 Samuel 9:27

Na bɛ́torotoro bɛ́kɔ kuro ne tiwaa nen, Samuel sele Sɔɔlo kyɛ, “Ka kyire somvoɛ ne ma ɔɔse li yɛ nyunu moa. Na ɔse badi moa a, wɔ de gyina berɛ kãa ma nga Nyameɛ noa dwirɛ ngyire wɔ.”