1 Samuel 1:9 - AHYERƐLƐ KRONGRON

⁹ Bedidili bɛnone beyiele wɔ Silo nen, Hana dwɔsole [ɔɔfale ye mbaeɛ tole AWURADE nyunu]. Né ɔsɔfo Eli te bia so wɔ AWURADE asɔneyɛɛ sua anoa nu berɛ.

1 Samuel 1:9 Iomraidhean Croise

2 Samuel 7:2

Nana Dawide sele Ngɔmhyɛlɛniɛ Natan kyɛ, “Nea, nde awuro bɔ bafa sida basi ɔ nu, nakoso Nyameɛ alaka ne de, ogyi ɛtena sua nu.”

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 29:9

AWURADE komvi ma dabɔɔ mɔ bɛwo, ɔma ɛhɔayeɛ mɔ nu da berɛ pralaa, na ye asɔneyɛɛ sua ne anu, ebiala tea nu kyɛ, “Animnyam hã Nyameɛ!”

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Ɛksadɔso 21:6

ye de ɔsɛ kyɛ ye mene fa ye kogyina Nyameɛ nyunu. Ɔ́fa ye oogyina anoa nu anaa aponnwaa nu berɛ, ná ye mene ne ɔfa tulie otofi ye so anu, ná ye asetena nu mukoraa ɔso ye mene ne.

1 Samuel 1:10

Né Hana wora abɔ paa, na ole esuɛ hahii fale ye mbaeɛ tole AWURADE nyunu.

1 Samuel 3:15

Samuel lale mane aleɛ hyene ngyerɛmɔ; na afei obukyebukyele AWURADE awuro berɛ anoa nemɔ. Né Samuel suro kyɛ ɔkɔha nyekyire ne kohyire Eli ɔ.

1 Samuel 3:3

Né Nyameɛ kanea ne onnya nnuane. Né Samuel la AWURADE asɔneyɛɛ sua ne anu, wɔ nekaa bɔ Nyameɛ alaka ne gyi ne.

1 Samuel 4:13

Mmerɛ bɔ oodwuli ne, né Eli te ye bia nu wɔ atee noa ɔnea ate, ofikyɛ né ye kunu tete ye ma Nyameɛ apam alaka ne. Biaa ne wale kuro ne anu ɔɔbɔle amaneɛ, na kurotue ne amu sɔle awuyebɔlɛ nu.