1 Samuel 1:8 - AHYERƐLƐ KRONGRON

⁸ Na ohu Ɛlkana bisale ye kyɛ, “Hana, na esuɛ ye ɛ? Nzu ati yeɛ engodidi ɔ? Nzu ati yeɛ wɔ wora abɔ ye? Aso mendra ngwadaa mmienzua buru memma wɔ?”

1 Samuel 1:8 Iomraidhean Croise

2 Ahemvo 8:12

Na Hasael bisale kyɛ, “Me mene, nzu ati yeɛ esu ye?” Na Elisa buale kyɛ, “Ofikyɛ mese bɔne bɔ ɛkɔfa koli Yisraelfoɛ ɔ. Bɛ nguro bɔ babɔ ye nwo waen nemɔ, ɛkɔto bɛ nu see, ɛkɔfa ngrandɛ kohũhũ bɛ mmerandeɛ mɔ, ɛkɔte bɛ mma mmaa mmaa mɔ ti kɔbɔ nikyee nu kohũ bɛ, ná bɛ pemvoɛ mɔ koso, ɛkɔpakyepakye bɛ kunu.”

YOB NWOMAA NE 6:14

“Sona bɔ wali amia ne, sɛ obiɛngo annwu ye anwumvoin a, ye de né obiɛngo ne apo kyɛ okosuro Ɛdangama Nyameɛ ɔ.

Edwein 43:4

Na ngɔhɔ Nyameɛ afɔleɛ bokyea ne anwo, ngɔhɔ Nyameɛ bɔ ɔte m’anigye mmorosoɛ ne berɛ; ao Nyameɛ, me Nyameɛ, ngɔbɔ sangoo ngɔye wɔ ayɛ.

Yesaya 54:1

“To dwein, wɔ, mmotaen bɔ anwo ɔ, ma wɔ komvi so to ahurusi dwein, wɔ bɔ ennwuni aworɛ yealɛ le ɔ! Ofikyɛ brasua bɔ bɛpole ye ne, ye mma kɔyɛ pee kɔtra brasua bɔ ogya biaa ne,” AWURADE noa dwirɛ ɛne.

Yesaya 54:6

Amba, AWURADE ato ye sa wafrɛ wɔ, kyɛ braa bɔ bayira ye, bɔ odi aworabɔlɛ ɔ, kyɛ mmerandeɛ nu braa bɔ biaa ne apo ye ɔ, wɔ Nyameɛ noa dwirɛ ɛne.

Yohane 20:13

Na bebisale ye kyɛ, “Mmobraa, nzu ati yeɛ esu ye?” Na obuale bɛ kyɛ, “Bafa m’Awurade bahɔ ti ɔ, na menze nekaa bɔ bafa ye baato ɔ!”

Yohane 20:15

Yeɛ Yesu bisale ye kyɛ, “Mmobraa, nzu ati yeɛ esu ye? Ɛpena nwa?” Na ye de, osusuli kyɛ turo ne anu berɛ neafoɛ ne ɔ, yiti obuale ye kyɛ, “Me mene, sɛ afa ye afi wa a, kyire me nekaa bɔ afa ye aato ɔ, ná ngɔmva ye ngɔ.”

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

Rutu 4:15

Ɔkɔmaa ekonya wɔ boso ama, ná wama wɔ wɔ noa aleɛ wɔ wɔ nworowaa nu. Ofikyɛ wɔ sia bɔ okuro wɔ dwirɛ, bɔ yeɛ ɔtra mmaa mmienzua nzoo ma wɔ ne, ye yeɛ ɔwole ye ɔ.”

1 Samuel 1:7

Sɔ dwirɛ ne hɔle so afoɛnoa biala; na mmerɛ biala bɔ bɛkɔhɔ AWURADE awuro ne, ɔyɛ a Penina ka ye anyinga. Yiti ɔyɛ a Hana sũ, na onnidi.