1 Samuel 1:26 - AHYERƐLƐ KRONGRON

²⁶ Na Hana sele kyɛ, “Me mene, w’adaworoma, me ole braa bɔ ogyinane wɔ nwo wa bɔle mbaeɛ hyirele AWURADE ne.

1 Samuel 1:26 Iomraidhean Croise

Gyenesise 42:15

Méfa ɛhe méso ɛmɔ menea: Meta Faro ndaen kyɛ, mengɔma ɛmɔngofi wa bɛngɔhɔ, sana ɛmɔ aliɛma kãa paa ne awa wa koraka.

2 Samuel 11:11

Na Yuria buale Dawide kyɛ, “Me mene, Nyameɛ alaka ne ɔne Yisrael ne Yuda koɛhonɛfoɛ bɛwɔ asese nu, yeɛ me mene Yoabo ne wɔ somvoɛ mɔ koso bakyekye asikyeleɛ wɔ eburo. Aso ngɔhora ngɔhɔ awuro ngoodidi ngɔno, ná me ne me ye yala anaa? Nana, mesrɛ meta wɔ ndaen kyɛ, sɔ nikyee de, mengɔyɔ.”

2 Samuel 14:19

Yeɛ Nana Dawide bisale ye kyɛ, “Sɔ dwirɛ he, aso nna Yoabo yeɛ wapesa wawura wɔ ɔ?” Na braa ne buale kyɛ, “Nana, me mene, aha ato me deɛ ne aso. Bɔ aha ne te nahorɛ turoloo. Amba, wɔ somvoɛ Yoabo yeɛ ohyirele me kyɛ nyɔ sɔ ɔ. Ye yeɛ ɔfale edwirɛ he amukoraa tuale w’afaneɛ noa ɔ.

2 Ahemvo 2:2

Na Elia sele Elisa kyɛ, “Mesrɛ wɔ, tena wa ofikyɛ AWURADE asoma me Betel.” Nakoso Elisa buale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti besili nu bɛhɔle Betel.

2 Ahemvo 2:4

Elia sele Elisa kyɛ, “Elisa, mesrɛ wɔ tena wa ofikyɛ AWURADE asoma me Yeriko.” Nakoso Elisa buale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti besili nu bɛhɔle Yeriko.

2 Ahemvo 2:6

Yeɛ Elia sele Elisa kyɛ, “Mesrɛ wɔ tena wa ofikyɛ AWURADE asoma me asue Yɔɔdan noa.” Nakoso obuale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti bɛ munyɔ bɛtoale so bɛhɔle.

2 Ahemvo 4:30

Yeɛ akwadaa ne maame sele kyɛ, “Kyɛ AWURADE te ase ye, ɔne kyɛ wɔ koso ɛte ase ye, sɛ ɛne me angɔ a, mengɔhɔ.” Yiti Elisa dwɔsole lili braa ne asi.

1 Aberɛso Dwirɛ 4:10

Yabese sũ frɛle Yisrael Nyameɛ kyɛ, “Ao, ahaa né ayira me, ná amaa manya aseɛ piri; ná agyina me si, ná abɔ me nwo waen afi amaneɛ ne asane nu!” Na Nyameɛ yɔle ye abisadeɛ mane ye.

1 Samuel 17:55

Mmerɛ bɔ Sɔɔlo nwuni Dawide kyɛ ɔkwaayia Filistiniɛ ne ɔne ye bɛko ne, obisale safohene Abenɛ kyɛ, “Sɔ aberandeɛ he, nwa awa ɛne?” Na Abenɛ buale kyɛ, “Nana, meta wɔ ndaen kyɛ menze.”

1 Samuel 20:3

Na Dawide koso buale kyɛ, “Wɔ baba se ye pefee kyɛ ekuro me dwirɛ, yiti wayɛ ye adwene kyɛ, ‘Mengɔma Yonatan ngɔte ye nwo bie, anyɔ a ɔkɔyɛ ye yea.’ Nakoso nahorɛ nu, kyɛ AWURADE te ase ye, ná wɔ kra koso te ase ye, ewue li me mvanvando.”

1 Samuel 25:26

Me mene, kyɛ AWURADE te ase ye, ná wɔ kra koso te ase ye, AWURADE yeɛ wamma anga mogya angua anni ye nwo fɔ ɔ. Ye yeɛ wamma wɔ bɔbɔ andɔ mmenia so wereɛ ɔ. Me mene, wɔ pɔfoɛ mɔ ne bɛ bɔ bɛpena wɔ beku wɔ ne, mesrɛ kyɛ b’ayieleɛ koyie bɛ kyɛ Nabal ala.