1 Samuel 1:23 - AHYERƐLƐ KRONGRON

²³ Na ohu Ɛlkana buale ye kyɛ, “Bɔ asusu ye nwo ne, yɔ sɔ ala. Nwondɛ maa oodwu mmerɛ bɔ ɛkɔpɛ ye nyɔfone koraka; na mesrɛ kyɛ AWURADE noa dwirɛ ɔ́bra nu.” Yiti Hana tenane awuro mane ɔwa ne nyɔfone kɔpem kyɛ ɔpɛle ye nyɔfone ɔ.

1 Samuel 1:23 Iomraidhean Croise

2 Samuel 7:25

Afei, ao, AWURADE Nyameɛ, kyɛbɔ aha afa wɔ somvoɛ ne ye boso ama nwo ne, maa ɔbra nu afebɔɔ. Kyɛbɔ ahyɛ bɔ ne, yɔ sɔ ala.

1 Ahemvo 3:21

Ngyerɛmɔ bɔ ndwɔsole kyɛ mema mma ne nyɔfone ne, nwuni kyɛ wawu. Nakoso nneane akwadaa ne anyunu haa ngyerɛmɔ nen, nwuni ye kyɛ nna baa bɔ nwole ye ne ɔ.”

Edwein 22:9

Nakoso wɔ yeɛ ɛyele me fili me ni akunu ɔ; ndua me maame nyɔfone noa ne, wɔ yeɛ ɛbɔle me nwo waen ɔ.

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Numeri 30:12

Nakoso sɛ ohu ne te edwirɛ ne, ná sɔ mmerɛ ne ala a, okyikyi bɔhyɛ ne ɔne anohoba ne fi berɛ a, ye de anohoba biala bɔ braa ne wafa ye noa wabɔ, anaa ndaen biala bɔ wata wafa wafoa edwirɛ so ne, ɔnzɛ kyɛ odi so. Ohu ne akyikyi afi berɛ, na AWURADE kɔfa kɔhyɛ braa ne.

Mateo 24:19

Na pemvoɛ mɔ ne bɛ bɔ bɛma mmaa nyɔfone wɔ sɔ mmerɛ ne anu de, bɛ yaakɔ!

Luka 11:27

Na ɔwale kyɛ ogu so ɔkã edwirɛ hemɔ nen, braa bie bɔ ɔwɔ mmenia ne anu ɔ ɔteane nu sele ye kyɛ, “Koɛ bɔ ɔwole wɔ, ɔne nyɔfone bɔ ɛnone ne, banya saleɛ!”

1 Samuel 1:17

Yeɛ Eli sele kyɛ, “Fa asomdwee kɔ, na abisadeɛ bɔ afa ato Yisrael Nyameɛ nyunu ne, mesrɛ kyɛ ɔ́yɔ ma wɔ.”

1 Samuel 14:36

Afei Sɔɔlo sele kyɛ, “Ɛ́mɔma yɛtorotoro yɛpo Filistifoɛ so kɔngɔen ye, ná yɛhũhũ bɛ toonn ma oodwu ngyerɛmɔ. Yɛngɔma bɛ nu ko po ngonya ye ti ngodidi nu.” Na bebuale ye kyɛ, “Bɔ ekuro kyɛ ɛyɔ biala, yɔ.” Nakoso ɔsɔfo ne hane kyɛ, “Ɛ́mɔma yɛfa edwirɛ ne yɛto Nyameɛ nyunu wɔ ɛwa yɛnea.”

1 Samuel 14:40

Na Sɔɔlo sele Yisrael amukoraa kyɛ, Ɛ́mɔgyina bue ko, maa me ne mma Yonatan koso yɛ́gyina bue ko.” Na koɛhonɛfoɛ nemɔ buale Sɔɔlo kyɛ, “Bɔ ekuro kyɛ ɛyɔ biala, yɔ.”