1 Samuel 1:11 - AHYERƐLƐ KRONGRON

¹¹ Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”

1 Samuel 1:11 Iomraidhean Croise

Gyenesise 28:20

Yeɛ Yakob hyɛle Nyameɛ bɔ kyɛ, “Sɛ Nyameɛ kogyina me si, na ɔkɔnea me so wɔ m’ateetulɛ ye anu, na ɔkɔma me aleɛ maa ngoli ɔne ɛtena maa ngɔhera,

Gyenesise 29:32

Lea nwonzɛle, na ɔwole baa bienzua, na ɔtole ye dumaa Ruben. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.”

Gyenesise 30:22

Na Nyameɛ nwuni Rahɛl anwumvoin, otiele ye, na ɔmaa ɔhyɛle aworɛ bo.

Gyenesise 8:1

Nakoso Nyameɛ lole Nowa ne ngaka ne nyɛmmoa mukoraa bɔ bɛ ne ye wɔ ɛlɛen alaka ne anu. Nyameɛ mane mvrama tu fale aseɛ so, na nzue ne hwene.

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

Edwein 25:18

Nea yealɛ ne amaneɛ bɔ menwu ye ɔ, ná fa me bɔne amukoraa kyɛ me.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Anyandera 31:2

Nzu ɔ, mma bienzua, me kunu ba, nzu ɔ? Nzu ɔ, mma bienzua bɔ ɔnate bɔhyɛ so yeɛ nwole wɔ ɔ?

Nworɛ Dwirɛhanɛniɛ 5:4

Sɛ ɛhyɛ Nyameɛ bɔ a, nnɛtwetwe wɔ gya ase wɔ ye tualɛ nwo, ofikyɛ ɔngyegye ngwaseafoɛ so. Tua bɔ ahyɛ ye nwo bɔ ne.

Lewitikɔso 27:2

“Ka kyire Yisraelfoɛ kyɛ, Sɛ ebie to ye noa nu tui fa kuro sona ye ti nyɔboɛ bɔ AWURADE anohoba sonongo a, odi kyɛ otua ye kyɛbɔ bahyehyɛ bato berɛ ne ala.

Numeri 21:2

Yeɛ Yisrael hyɛle AWURADE bɔ kyɛ, “Sɛ ɛkɔfa mmenia hemɔ kowura yɛ sa amba a, ye de yɛkɔsɛkye bɛ nguro mɔ bɔkɔɔ.”

Numeri 6:11

Odi kyɛ ɔsɔfo ne fa ko bɔ bɔne nwo afɔleɛ, ná ɔfa ko koso bɔ naen yeralɛ afɔleɛ, ná ɔpata ma ye, ofikyɛ ɔnate efuin ne ati wali fɔ. Odi kyɛ osa te ye ti ne anwo maa ɔyɛ krongron sɔ kyẽa ne ala,

Numeri 6:5

Mmerɛ amukoraa bɔ watu ye nwo wasie berɛ wayɛ nasiriteniɛ ne, onni kyɛ ɔtete ye ti. Kɔpem kyɛ mmerɛ bɔ watu ye nwo wasie berɛ wama AWURADE kɔpɛ nu ne, odi kyɛ ɔyɛ krongron; ɔ́ma ye ti nwiaa mbɛsɛmbɛsɛ ne ofu gua ye ti anwo.

Numeri 6:8

Mmerɛ amukoraa bɔ ɔtɛ te Nasiriteniɛ ne, ɔte krongron ma AWURADE.

Maenbulɛfoɛ 11:30

Na Yɛfeta hyɛle AWURADE bɔ kyɛ, “Sɛ ɛfa Amonfoɛ wura me sa a,

Maenbulɛfoɛ 13:5

ofikyɛ ɛkɔnwonzɛ kɔwo baa bienzua. Onni kyɛ bɛtete akwadaa ne ti, ofikyɛ ɔkɔyɛ nasiriteniɛ kɔma Nyameɛ fi ye aworɛ nu. Ye yeɛ ɔkɔhyɛ ye bo kɔpepɛ kole Yisrael kofi Filistifoɛ sa nu ɔ.”

1 Samuel 1:10

Né Hana wora abɔ paa, na ole esuɛ hahii fale ye mbaeɛ tole AWURADE nyunu.

1 Samuel 1:12

Na Hana gu so ɔbɔ mbaeɛ kyire AWURADE nen, Eli neane ye noa haa.

1 Samuel 1:19

Aleɛ hyene ne, bedwɔsole ngyerɛmɔ tutuutu bɛsɔnene AWURADE, na afei besa bɛhɔle bɛ kuro Rama. Ɛlkana ne ɔye Hana bɛlale, na AWURADE kayele Hana.

1 Samuel 1:22

Nakoso Hana de wangɔ bie, na ɔha hyirele ohu kyɛ, “Sɛ akwadaa ne pɛ nyɔfone a, ngɔfa ye ngɔɔma AWURADE, na ɔkɔtena dɔ mmerɛ biala.”

1 Samuel 1:27

Akwadaa he yeɛ mmɔle mbaeɛ nzrɛle ne, na AWURADE ayɔ m’abisadeɛ bɔ mva ndole ye nyunu ne wama me.

1 Samuel 1:28

Yiti me koso, mafa ye mahyɛ AWURADE. Na mmerɛ amukoraa bɔ ɔte ase ne, mafa ye mama AWURADE.” Na bɛsɔnene AWURADE wɔ berɛ.

1 Samuel 2:20

Na ɔyɛ a Eli yira Ɛlkana ne ɔye kyɛ, “Mesrɛ kyɛ AWURADE ɔfa braa he aso ma enya mmaa bɔ bekosi bɔ wafa wahyɛ AWURADE ne gya nu ɔ.” Na ɛhe asi ne, besa bɛkɔ bɛ kuro.