1 Samuel 1:10 - AHYERƐLƐ KRONGRON

¹⁰ Né Hana wora abɔ paa, na ole esuɛ hahii fale ye mbaeɛ tole AWURADE nyunu.

1 Samuel 1:10 Iomraidhean Croise

Gyenesise 30:1

Rahɛl nwuni kyɛ ɔne Yakob bɛnwo ne, ye nye borole oliɛma ne, na osele Yakob kyɛ, “Ɛne me wo mmaa, anyɔ sɔ a ngowu!”

Gyenesise 50:10

Beedwuli nekaa bɔ bɛboro aburoo wɔ Atade bɔ ɔwɔ asue Yɔɔdan asi dɔ ne, bɛbɔle awuye serɛserɛ bɔ ɔyɛ aworabɔ paa ɔ; na Yosef yɔle ɔse sɛen ɛlɛsoo.

2 Samuel 13:36

Ye noa pene pɛ, yeɛ Nana Dawide mma nemɔ wale ɔ. Besuni bɛbɔle awuye, na Dawide ne ye somvoɛ ne amukoraa koso besuni hahii.

2 Samuel 17:8

Na Husae toale so sele kyɛ, “Ɛse kyɛ wɔ baba ne ye mmenia nemɔ bɛte koɛhonɛfoɛ, na bɛ nye aboro kyɛ kwabrafo bɔ ebie ahye ye mma wɔ eburo ɔ. Asa koso, wɔ baba se koɛ ko paa, na ɔne koɛhonɛfoɛ nemɔ bɛngɔla neka horɛ kɔngɔen.

2 Ahemvo 20:3

“Ao AWURADE, kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ wɔ wɔ nyunu ne, mesrɛ wɔ, fa wɔ nye to.” Na Hesekia suni hahii.

YOB NWOMAA NE 10:1

“Ewiase afono me, afei de, ngɔhã edwirɛ bɔ ɔha me ɔ, edwirɛ yealɛ bɔ ɔwɔ me nu ne, ngɔhã.

YOB NWOMAA NE 7:11

“Yiti mengomua me noa, ngɔhã yealɛ bɔ me sunzum onwu ye ɔ, na ngɔbɔ aworabɔlɛ bɔ me kra di ɔ nwo somoɛ.

YOB NWOMAA NE 9:18

Ɔmma menne me nwome, na mmom waprapra aworabɔlɛ wagua me so.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Anyandera 14:10

Ahone di aworabɔlɛ a, ye ngome yeɛ ɔse ɔ, yeɛ sɛ ye nye gye koso a, sona foforɛ biala nnya ye anigye ne anu kyɛfa.

Yesaya 38:15

Nakoso nzikyɛ dwirɛ yeɛ mékã ɔ? Ofikyɛ wahã wahyire me, na ye bɔbɔ deinn yeɛ wayɔ sɔ ɔ. M’afoɛ amukoraa bɔ medi ne, me kra di aworabɔlɛ.

Yesaya 54:6

Amba, AWURADE ato ye sa wafrɛ wɔ, kyɛ braa bɔ bayira ye, bɔ odi aworabɔlɛ ɔ, kyɛ mmerandeɛ nu braa bɔ biaa ne apo ye ɔ, wɔ Nyameɛ noa dwirɛ ɛne.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Yeremia 22:10

Nnɛma ɛmɔsu awufoɛ; yeɛ nnɛma ɛmɔdodo ye, na mmom odi kyɛ ɛmɔsu bɔ ɔkɔ (nnurehyelɛ nu) ne hahii, ofikyɛ ongosa ngɔwa ko, yeɛ ongonwu ye bɔbɔ ye maen ko.

Awuye 3:15

Wafa yealɛ wayi me nu to, wamaa mano awɔwee maa wafo me boɛ so.

Luka 22:44

Né Yesu wora abɔ soma, na ɔhɔle so mane ye mbaeɛbɔlɛ nu yɛle se. Na ye nwo mvifire ne yɛle kyɛ mogya bɔ ɔpepe gua ase ɔ.]

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

Maenbulɛfoɛ 21:2

Yisraelfoɛ hɔle Betel. Bɛtenane Nyameɛ nyunu wɔ berɛ maa oodwuli nɔsoa, na besuni hahii.

Rutu 1:20

Na Naomi sele bɛ kyɛ, “Nnɛma ɛmɔfrɛ me Naomi ko, ɛ́mɔfrɛ me Mara, ofikyɛ Ɛdangama ama me bra ayɛ weewee.

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”

1 Samuel 1:9

Bedidili bɛnone beyiele wɔ Silo nen, Hana dwɔsole [ɔɔfale ye mbaeɛ tole AWURADE nyunu]. Né ɔsɔfo Eli te bia so wɔ AWURADE asɔneyɛɛ sua anoa nu berɛ.