1 Samuel 1:1 - AHYERƐLƐ KRONGRON

¹ Né biaa bie wɔ berɛ bɔ bɛfrɛ ye Ɛlkana. Ofi Ramatim Sofim bɔ ɔwɔ Efraim mmokaa aseɛ ne aso. Ɔse ole Yeroham bɔ ɔse ole Elihu bɔ ɔse ole Tohu bɔ ye koso ɔse ole Efraimniɛ Sufe ne.

1 Samuel 1:1 Iomraidhean Croise

1 Ahemvo 11:26

Nebate awa Yeroboam te Efraimniɛ. Ofi Sereda. Né ɔte Solomon somvoɛ, na oni ole kunaniɛ bie bɔ bɛfrɛ ye Serua. Yeroboam yɛle Nana Solomon nwo lɔen.

1 Aberɛso Dwirɛ 6:12

Ahitubo wole Sadoke; Sadoke wole Salum;

1 Aberɛso Dwirɛ 6:22

Kohate boso ama mɔ ɛhe: Aminadabo, Kora, Asire,

1 Aberɛso Dwirɛ 6:33

Mmenia bɔ bɛyɔle sɔ adwuma ne, bɛ ne bɛ mma mmienzua mɔ ɛhe: Kohatefoɛ bɛ deɛ ole edweintolɛniɛ Heman bɔ ye baba ole Yowel, bɔ ye baba ole Samuel,

1 Aberɛso Dwirɛ 6:34

bɔ ye baba ole Ɛlkana, bɔ ye baba ole Yeroham, bɔ ye baba ole Eliɛl bɔ ye baba ole Toya,

Mateo 27:57

Odwuli nɔsoa nen, esikaniɛ bie bɔ ofi Arimatea, bɔ oli Yosef, bɔ ye koso ɔte Yesu suaniɛ ɔ ɔwale.

Yosua 24:33

Aarɔn awa Eleasa wuli, na besiele ye wɔ ɔwa Finehase kuro Gibea, bɔ bɛfa bɛmane Finehase wɔ Efraim mmokaa ne anu dɔ ne aso.

Maenbulɛfoɛ 12:5

Yeɛ Gileadefoɛ hɔle asue Yɔɔdan apɛleɛ nemɔ beegyinagyinane berɛ, kyɛbɔ Efraimfoɛ bengonya ate bɛngɔnwati ɔ. Na Efraimfoɛ bɔ bɛnwati ne, sɛ bɛ nu bie ka kyɛ, “Ɛ́mɔma mbɛ asue ne” a, né Gileadefoɛ babisa ye kyɛ, “Ɛte Efraimniɛ anaa?” Na sɛ obua kyɛ “Daabi” a,

Maenbulɛfoɛ 17:1

Né biaa bie wɔ berɛ bɔ bɛfrɛ ye Mika. Né ɔte Efraim mmokaa aseɛ ne aso.

Maenbulɛfoɛ 19:1

Mmerɛ bɔ né ɛhene biala nne Yisrael nen, né Lewiniɛ bie te namue bie anu bɔ ɔwɔ dedeede wɔ Efraim mmokaa aseɛ ne aso. Ɔɔfale sómaa wɔ Betlehem bɔ ɔwɔ Yuda.

Maenbulɛfoɛ 4:5

Né ɔtaa tena Debora ayee bɔ ɔwɔ Rama ne Betel b’afia ne abo, wɔ Efraim mmokaa aseɛ ne aso. Berɛ yeɛ né Yisraelfoɛ fa b’edwirɛ bɛbato ye nyunu maa odi ɔ.

Rutu 1:2

Biaa ne li Elimɛlɛke, yeɛ ɔye ne koso li Naomi. Ye mma mmienzua nemɔ li Malon ne Kilion. Bɛte Efratefoɛ bɔ befi Betlehem bɔ ɔwɔ Yuda, na betu bɛɛtenane Moabo aseɛ so.

Rutu 4:22

Obɛde wole Yese, yeɛ Yese wole Dawide.

1 Samuel 1:19

Aleɛ hyene ne, bedwɔsole ngyerɛmɔ tutuutu bɛsɔnene AWURADE, na afei besa bɛhɔle bɛ kuro Rama. Ɛlkana ne ɔye Hana bɛlale, na AWURADE kayele Hana.

1 Samuel 17:12

Dawide baba li Yese. Ɔte Efrateniɛ. Ofi Betlehem bɔ ɔwɔ Yudea. Né Yese le mmaa mmienzua mmɔtwɛ. Na Sɔɔlo aberɛ so ne, né sɔ biaa ne wanyi wayɛ aworowaa.

1 Samuel 2:11

Afei Ɛlkana hɔle ye kuro Rama, nakoso akwadaa ne de, ɔhale ɔsɔfo Eli berɛ yɔle AWURADE adwuma.

1 Samuel 7:17

Né ɔyɛ a, osa ba Rama, ofikyɛ ye kuro ɛne, na né ɔte berɛ yeɛ obu Yisrael maen ne ɔ. Na osili afɔleɛ bokyea berɛ mane AWURADE.

1 Samuel 9:4

Oohyinihyinini Efraim mmokaa aseɛ so ne Salisa aseɛ so, nakoso bannwu bɛ. Behyinihyinini Saalim aseɛ so, nakoso né afunum nemɔ bɛnne berɛ. Afei oohyinihyinini Benyamin aseɛ so, nakoso bannwu bɛ.

1 Samuel 9:5

Na beedwuli Sufe aseɛ so ne, Sɔɔlo sele somvoɛ bɔ ɔne ye nate ne kyɛ, “Maa yɛsa yɛhɔ. Anyɔ a, me baba kɔyakyi afunum nemɔ nwo adwenedwene, na ɔkɔma yɛ nwo adwenedwene kɔtɔ ye so.”