1 Korintofoɛ 9:8 - AHYERƐLƐ KRONGRON

⁸ Aso kuro sona tumi so yeɛ ngyi bɔ mekã he ɔ, anaakyɛ mmeraa ne koso nga sɔ?

1 Korintofoɛ 9:8 Iomraidhean Croise

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Romanfoɛ 3:31

Yiti ɔnate gyidie he ati yɛto mmeraa ne yɛgua anaa? Dabida! Na mmom yɛde mmeraa ne yɛto nu.

Romanfoɛ 3:5

Sɛ yɛ bɔne boka ma Nyameɛ tenenee da adi petee a, ye de yɛkɔha ye sɛ? Yiti sɛ Nyameɛ fɛ yɛ so yaa a né wayɛ tɛɛ anaa? (Medwudwo kyɛ kuro sona).

Romanfoɛ 6:19

Ɔnate ɛmɔ anwoɔnaen mmerɛyɛlɛ ti yeɛ mafa kuro sona atee so madwudwo mahyire ɛmɔ ɔ. Na kyɛbɔ mmerɛ bie ɛmɔfale ɛmɔ nwonaen akwaa bɛyɛle ngoaa bɛmane efiɛ ne amumuyɛɛ mbiri mbiri ne, sɔ ala yeɛ odi kyɛ afei ɛmɔfa ɛmɔ nwonaen akwaa besie berɛ bɛma tenenee bɛkɔ krongronyɛlɛ nu ɔ.

1 Korintofoɛ 14:34

ɛ́mɔma ɛmɔ mmrasua mɔ bemua bɛ noa wɔ asɔre mɔ nu. Ofikyɛ belle ye nwo ate kyɛ bedwudwo ɔ, na mmom bɛbrɛ bɛ nwo ase kyɛbɔ mmeraa ne kã ne.

1 Korintofoɛ 7:40

Sɛ ɔtena berɛ anwokwa na wangya biaa ko a, ɔte paa ma ye. Ɛhe te me bɔbɔ me nzusuleɛ, na mede medi kyɛ Nyameɛ Sunzum boka me so.

Galatiafoɛ 1:11

Aliɛmaa mɔ, mepena kyɛ ɛmɔnwu ye kyɛ nzɛmba bɔ nga ngyirele ɛmɔ ne, nna kuro sona deɛ ɔ.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.