1 Korintofoɛ 9:3 - AHYERƐLƐ KRONGRON

³ Sɔa yeɛ meye me noa mekyire bɛ bɔ bɛfeefee me bra nu ne ɔ:

1 Korintofoɛ 9:3 Iomraidhean Croise

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Asomafoɛ 22:1

“Aliɛmaa mɔ ne ngya mɔ, ɛ́mɔtie edwirɛ bɔ mekã mefa mesa me nwo mekyire ɛmɔ ye.”

Asomafoɛ 25:16

Na me koso mmuale bɛ kyɛ, ɔtte yɛ Romanfoɛ mmeraa kyɛ yɛkɔye sona biala bɔ babɔ ye kwaadu kɔmaa bekohu ye ɔ; sana ɔne ye kwaadubɔlɛfoɛ nemɔ beyia bɛbɔ nguro, ná onya atee ye ye noa koraa.

1 Korintofoɛ 14:37

Sɛ ebie bu ye nwo kyɛ ɔte ngɔmhyɛlɛniɛ anaakyɛ ole sunzum nu akyɛdeɛ a, maa ɔte ye bo kyɛ bɔ mekyerɛ mebrɛ ɛmɔ ye te Awurade ahyɛdeɛ.

1 Korintofoɛ 9:2

Sɛ nnde somafoɛ mma ebiemɔ a, ɛmɔ de, nde somafoɛ ma ɛmɔ, ofikyɛ ɛmɔte me somafoɛyɛlɛ nzɔanoɛ wɔ Awurade nu.

1 Korintofoɛ 9:4

Aso yɛlle ye nwo ate kyɛ yɛdidi ná yɛno anaa?

2 Korintofoɛ 13:10

Yiti mekyerɛ krataa he mebrɛ ɛmɔ wɔ mmerɛ bɔ nne ɛmɔ berɛ ɔ, amaa sɛ meba a, Awurade tumi bɔ wafa wama me ne, mamva so me ne ɛmɔ yanni ye weewee. Ofikyɛ nna ɛmɔ asefinɛ, na mmom ɛmɔ ngɔsoɛ ti yeɛ nyane sɔ tumi ne ɔ.

2 Korintofoɛ 13:3

Ofikyɛ ɛmɔpena adanzeɛ bɔ okyire kyɛ Kristo yeɛ ɔfa me so dwudwo ɔ. Kristo nyɛ mmerɛ wɔ ɛmɔ so, na mmom ye tumi yɔ adwuma wɔ ɛmɔ nu.

2 Korintofoɛ 13:5

Ɛ́mɔneanea ɛmɔ ahone nu bɛnea sɛ ɛmɔtɛtira gyidie ne anu a. Ɛ́mɔso ɛmɔ nwo bɛnea. Aso ɛmɔnnwu ye kyɛ Yesu Kristo te ɛmɔ nu anaa? Sana ebiaa né ɛmɔabɔ ase wɔ gyidie nu.

Filipifoɛ 1:17

nakoso ebiemɔ de, bɛkã Kristo nwo nzɛmba ne ngondii so, bɛnga ye nahorɛ nu, na bɛdwene kyɛ bɛyɔ sɔ a bɛkɔma me nwo kɔhyere me wɔ me kukunu nna ye anu.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

2 Timoteo 4:16

Na mmerɛ bɔ né meye me noa bɔ oli moa mefa mesa me nwo ne, ebiala wammangyina me si; bɛ mukoraa bɛyakyili me nu bɛhɔle. Na mesrɛ kyɛ nnɛmaa benya ye nwo asohwenɛ.