1 Korintofoɛ 9:16 - AHYERƐLƐ KRONGRON

¹⁶ Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

1 Korintofoɛ 9:16 Iomraidhean Croise

Yesaya 6:5

Na ngane kyɛ, “Edwirɛ ato me oo! Mawu oo! Ofikyɛ nde sona bɔ me noa kekã amumuyɛɛ dwirɛ, yeɛ nde maen bɔ nu ama kekã amumuyɛɛ dwirɛ ɔ nu; ɔnate kyɛ me nye anwu Ɛhene ne, bɔ ye ole Asafo AWURADE!”

Yeremia 1:17

Nakoso wɔ de, bɔ w’abɔsoɛ ná dwɔso, na kã bɔ ngɔhyɛ wɔ kyɛ ɛhã ne amukoraa kyire bɛ. Nnɛma wɔ nwo wosowoso wɔ wɔ bɛ nyunu, anyɔ sɔ a, ngɔma wɔ nwo kɔwosowoso wɔ wɔ bɛ nyunu.

Yeremia 20:7

O AWURADE, alakalaka me, mamaa alakalaka me. W’anwoserɛ bo me deɛ so, na ali ngonim. Bɛgoro me nwo daa biala; ebiala sere me.

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Amose 3:8

Gyata bobɔ nu, na nwa yeɛ ongosuro ɔ? AWURADE Nyameɛ adwudwo, nwa yeɛ ɔngɔhyɛ ngɔm ɔ?”

Amose 7:15

na AWURADE yele me maa nyakyili mmoaen so nealɛ, na AWURADE sele me kyɛ, ‘Kɔ ná kɔhyɛ ngɔm kyire me maen Yisrael.’

Mateo 25:16

Na berɛ ne ala, ko bɔ onyane talɛnde nnu ne, ɔfale ye sikaa ne ɔɔyɔle adwuma, na onyane mvasoɛ talɛnde nnu.

Luka 9:62

Na Yesu sele ye kyɛ, “Ebiala bɔ ɔkɔsɔ buralɛ bɔ bɛfa befundam aseɛ nu ná ɔkɔnea ye si nen, ɔmvata Nyameɛ ahennie ne anu.”

Asomafoɛ 4:20

ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Asomafoɛ 9:6

nakoso dwɔso ná kɔ kuro ne anu dɔ, na bɛkɔhã bɔ ɔsɛ kyɛ ɛyɔ ɔ bekohyire wɔ.”

Romanfoɛ 1:14

Ofikyɛ ɔte asodie ma me kyɛ mebɔ nzɛmba ne dawure mekyire Helafoɛ ne Pɔtɔfoɛ, nimdeɛfoɛ ne bɛ bɔ belle nimdeɛ ɔ.

Romanfoɛ 15:17

Ɔnate kyɛ mafa me nwo mabɔ Kristo Yesu nwo ti, mefa m’adwuma bɔ meyɔ mema Nyameɛ ne mehoahoa me nwo.

Romanfoɛ 4:2

Sɛ Nyameɛ nate Abraham nnwumaa so yeɛ obuale ye be de a, nzaade Abraham le nikyee fa hoahoa ye nwo, nakoso nna Nyameɛ nyunu ɔ.

1 Korintofoɛ 4:15

Na sɛ ɛmɔle foɛtulɛfoɛ apee buru wɔ Kristo nu po a, ɛmɔ baba mɔ de, bɛnzone, ofikyɛ ɔnate nzɛmba ne aso mayɛ ɛmɔ baba wɔ Yesu Kristo nu.

1 Korintofoɛ 9:12

Sɛ ebiemɔ le atee bɛkora benya nningyein befi ɛmɔ berɛ a, né yɛ de yɛlle ye nwo ate kyɛ yɛnya bɔ ɔtra sɔ anaa? Nakoso yɛ de, yamva sɔ atee ne aso; na mmom yɛmiane yɛ nye yɛpenene nikyee biala so, kyɛbɔ ɔkɔyɛ na yanzi Kristo nzɛmba ne nwo atee ɔ.

1 Korintofoɛ 9:14

Sɔ ala yeɛ Awurade ahyehyɛ kyɛ bɛ bɔ bɛkã nzɛmba ne, bekodidi nzɛmba ne nwo ɔ.

2 Korintofoɛ 2:12

Mmerɛ bɔ ngɔle Troase kyɛ mekwaahã Kristo nzɛmba nen, Awurade bukyele atee mane me.

Kolosefoɛ 4:17

Ɛmɔhã behyire Akipo kyɛ, “Nea kyɛ ɛkɔyɔ ɛsolɛ adwuma bɔ anya afi Awurade berɛ ne ekoyie pɛpɛɛpɛ ɔ.”

1 Samuel 12:23

Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.