1 Korintofoɛ 9:12 - AHYERƐLƐ KRONGRON

¹² Sɛ ebiemɔ le atee bɛkora benya nningyein befi ɛmɔ berɛ a, né yɛ de yɛlle ye nwo ate kyɛ yɛnya bɔ ɔtra sɔ anaa? Nakoso yɛ de, yamva sɔ atee ne aso; na mmom yɛmiane yɛ nye yɛpenene nikyee biala so, kyɛbɔ ɔkɔyɛ na yanzi Kristo nzɛmba ne nwo atee ɔ.

1 Korintofoɛ 9:12 Iomraidhean Croise

Gyenesise 24:56

Na somvoɛ ne buale bɛ kyɛ, “Nnɛmɔma mekyɛ, ofikyɛ AWURADE ama mvasoɛ awa m’ateetulɛ ne aso. Ɛmɔma me ate ma nza ngɔ me mene dɔ.”

Nehemia 4:8

na bɛ mukoraa bɛbɔle porɛ kyɛ bɛkwaafa koɛ bɛteta Yerusalem ná bɛyɛ basabasa wɔ kuro ne anu.

Luka 11:52

“Ɛmɔ, mmeraa nwo nimdeɛfoɛ, ɛmɔ yaakɔ! Ofikyɛ, ɛmɔafa nimdeɛ safoaa ne; ɛmɔ bɔbɔ a, ɛmɔangɔ nu, nakoso bɛ bɔ bɛ́kɔ nu ne koso, ɛmɔsi bɛ ate.”

Asomafoɛ 18:3

na kyɛbɔ ɛtena sua nwonɛ te bɛ mukoraa bɛ sa noa adwuma ne ati, ɔne bɛ tenane, na ɔne bɛ yɔle adwuma.

Romanfoɛ 15:22

Na ɛhe yeɛ ɔtaa si me atee bɔ yiti ɔmma mennya atee memma ɛmɔ berɛ ɔ.

1 Korintofoɛ 13:7

Ɔdɔ abasanu mmu, ode nningyein mukoraa di, ole nningyein mukoraa nu anyelasoɛ, na ole nningyein mukoraa nu animia.

1 Korintofoɛ 6:7

Manzoen bɔ ɛmɔ ne bɛ nwo twe ne kyire kyɛ ɛmɔali ngoguo. Nzu ati yeɛ ɛmɔmma bɛnyɔ ɛmɔ tɛɛ mmom ɔ? Nzu ati yeɛ ɛmɔmma benzisi ɛmɔ mmom ɔ?

1 Korintofoɛ 9:14

Sɔ ala yeɛ Awurade ahyehyɛ kyɛ bɛ bɔ bɛkã nzɛmba ne, bekodidi nzɛmba ne nwo ɔ.

1 Korintofoɛ 9:15

Nakoso mmmisale ɛmɔ asɛdeɛ he nwo hwee; yeɛ mengyerɛ krataa he memmrɛ ɛmɔ kyɛ ɛmɔyɔ sɔ asɛdeɛ ne bɛma me. Ofikyɛ, kyɛ ebie kɔma me nwo hoahoalɛ kɔyɛ mbaen de, nzaade maa nwu.

1 Korintofoɛ 9:16

Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

1 Korintofoɛ 9:18

Yiti akatuaa beni yeɛ menya ɔ? M’akatuaa ole kyɛ ngɔhã Kristo nzɛmba ne bɔ memmisa ebie dɔ hwee ɔ, ná afei asɛdeɛ bɔ odi kyɛ bɛyɔ bɛma me wɔ nzɛmba ne anwo koso memmisa ɔ.

1 Korintofoɛ 9:2

Sɛ nnde somafoɛ mma ebiemɔ a, ɛmɔ de, nde somafoɛ ma ɛmɔ, ofikyɛ ɛmɔte me somafoɛyɛlɛ nzɔanoɛ wɔ Awurade nu.

2 Korintofoɛ 11:12

Ngɔhɔ so ngɔyɔ bɔ meyɔ ne ala, na ɛhe ngɔma mmenia ngonya edwirɛ biala ngogyina so ná bafa bahoahoa bɛ nwo kyɛ bɛyɔ b’adwuma kyɛ yɛ deɛ ne ala.

2 Korintofoɛ 11:20

Na sɛ ebie fa ɛmɔ yɛ ngoaa, anaa odi ɛmɔ aminɛ, anaa osisi ɛmɔ, anaa ɔmoma ye nwo so, anaa ɔpakye ɛmɔ nye so po a, ɛmɔnya ye nwo aboterɛ.

2 Korintofoɛ 2:12

Mmerɛ bɔ ngɔle Troase kyɛ mekwaahã Kristo nzɛmba nen, Awurade bukyele atee mane me.

2 Korintofoɛ 6:3

Yɛndo ebiala sundidua, ná ebiala angã yɛ som ne nwo dwirɛ tɛɛ.