1 Korintofoɛ 9:10 - AHYERƐLƐ KRONGRON

¹⁰ Anaakyɛ nna yɛ ti yeɛ ɔmaa ɔhane sɔ ɔ? Ɔte nahorɛ kyɛ yɛ ti yeɛ bahyerɛ kyɛ, odi kyɛ sona bɔ ofundam aseɛ ne fundam ye anyelasoɛ nu, na bɔ ɔboro aburoo ne koso boro ye anyelasoɛ nu kyɛ okonya nu bie ɔ.

1 Korintofoɛ 9:10 Iomraidhean Croise

Numeri 18:31

Ɛmɔkɔhora bekoli ye wɔ nekaa biala, ɛmɔ ne ɛmɔ awuro ama; ofikyɛ ɛmɔ adwuma bɔ ɛmɔyɔ ye wɔ ɛtena sua atenaleɛ ne anu ne, ye nwo akatuaa ɛne.

Mateo 24:22

Na sɛ bande sɔ ngyẽa ne aso a, ahaa bengole sona biala ngoa; nakoso ɔnate bɛ bɔ baneanea nu baye bɛ ne ati, bɛkɔte sɔ ngyẽa ne aso.

Romanfoɛ 15:4

Na nikyee biala bɔ bɛhyerɛ bɛtole berɛ tetetete ne, bɛhyerɛle maa ɔyɛle ngyerɛkyerɛ mane yɛ, kyɛ yɛfa aboterɛ ne Ahyerɛlɛ ne anu aworakyekyerɛ so yɛnya anyelasoɛ.

1 Korintofoɛ 3:9

Ofikyɛ yɛ de, yɛte Nyameɛ adwumayɔlɛfoɛ, bɔ yɛ ne ye bɔ nu yɛyɔ adwuma ɔ; na ɛmɔte ye boo, Nyameɛ sua.

2 Korintofoɛ 4:15

Ɛmɔ ti yeɛ sɔ nikyee ne wɔ berɛ ɔ, amaa mmeni pee bɔ Nyameɛ adom ɔtrɛ kɔ bɛ berɛ ne, bafa asennaa mmorosoɛ bahyɛ Nyameɛ animnyam.

2 Timoteo 2:6

Kuaniɛ bɔ ɔyɔ adwuma ne, ye yeɛ ɔsɛ kyɛ odi moa di nu aleɛ ne bie ɔ.