1 Korintofoɛ 8:9 - AHYERƐLƐ KRONGRON

⁹ Nakoso ɛ́mɔnea yé ná sɔ fawɔnwodi bɔ ɛmɔle ye wɔ ɛhe nwo ne, wanyɛ sundidua wamma bɛ bɔ bɛyɛ mmerɛ ne.

1 Korintofoɛ 8:9 Iomraidhean Croise

Yesaya 35:3

Asaa bɔ nu ayɛ bɛtɛɛ ne, ɛ́mɔma nu yɛ se, yeɛ nangoroma bɔ nu ayɛ hodwoo ne, ɛ́mɔmiamia nu.

Yesaya 57:14

Na bɛkɔhã kyɛ, “Ɛ́mɔyeye atee ne anu! Ɛ́mɔyeye atee ne anu! Ɛ́mɔsiesie atee ne! Sundidua bɔ ɔwɔ me maen atee nu ne, ɛ́mɔye béfi berɛ!”

Hesekiel 14:3

“Sona awa, mmenia hemɔ b’ahone bata bɛ mmosoen nemɔ anwo, na bafa amumuyɛɛ bɔ ɔte bɛ sundidua ne bato bɛ nyunu. Aso mma bebisa me, na ngyire bɛ bɔ odi kyɛ bɛyɔ anaa?

Hesekiel 44:12

Na ɔnate kyɛ bɛyɔle ɛsɔnenɛ adwuma bɛmane Yisraelfoɛ wɔ bɛ mmosoen nemɔ anyunu maa ɔnate so ɔyɛle amumuyɛɛ sundidua mane Yisrael awuro ama ne ati, mafɛ bɛ so yaa kyɛ, bɛ sa kɔhã b’amumuyɛɛ nwo asohwenɛ, AWURADE Nyameɛ noa dwirɛ ɛne.

Lewitikɔso 19:14

Nnɛnoma asotiniwaaniɛ, yeɛ nnɛfa nikyee to anyesiniwaaniɛ atee nu maa ɔfofo so, ná mmom suro wɔ Nyameɛ: Me ole AWURADE.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Romanfoɛ 15:1

Yɛ bɔ yɛ nwo yɛ se wɔ gyidie nu ne, ɔsɛ kyɛ yɛsoa bɛ bɔ bɛ nwo nyɛ se nemɔ bɛ mmerɛyɛlɛ, na ɔnzɛ kyɛ yɛyɔ bɔ ɔkɔma yɛ nwo kɔtɔ yɛ angome.

1 Korintofoɛ 10:24

Ɔnzɛ kyɛ sona biala dwene ye ngome ye deɛ nwo, na mmom ɔsɛ kyɛ ɔma obiɛngo koso deɛ nwo hia ye.

1 Korintofoɛ 10:28

Nakoso sɛ ebie kã kyire ɛmɔ kyɛ, “Aleɛ he te bosoen so aleɛ” de a, ye de bɔ ɔbɔle ɛmɔ amaneɛ ne ti, ɔne kuro sona tiboa ti nnɛma ɛmɔdi.

1 Korintofoɛ 10:29

Mengyire ɛmɔ bɔbɔ bɛ tiboa, na mmom mekyire sona bɔ ɔha hyirele ɛmɔ ne tiboa. Nzu ati yeɛ ebie tiboa bua bɔ mekuro kyɛ meyɔ nwo ndɛen ɔ?

1 Korintofoɛ 10:32

Nnɛma ɛmɔyɔ bɔ ɔkɔha Yudafoɛ anaa Helafoɛ anaa Nyameɛ asɔre ne;

1 Korintofoɛ 8:10

Na sɛ sona bie bɔ ye tiboa yɛ mmerɛ nwu wɔ bɔ ele nimdeɛ ne kyɛ edidi bosoen asɔneyɛɛ sua nu a, aso ɛhe ngɔwɔ ye kɔme asi ma ongoli bosoen so aleɛ ne bie?

1 Korintofoɛ 8:12

Na sɛ ɛmɔyɔ ɛmɔ aliɛma mɔ sɔ bɔne ne bɛfa betia bɛ tiboa bɔ ɔyɛ mmerɛ ne a, né ɛmɔayɔ batia Kristo.

1 Korintofoɛ 9:22

Nyɛle me nwo kyɛ meyɛ mmerɛ wɔ gyidie nu mane bɛ bɔ bɛyɛ mmerɛ wɔ gyidie nu ne, amaa me sa ahã bɛ bɔ bɛyɛ mmerɛ wɔ gyidie nu ne. Mayɛ mmenia mukoraa bɛ sona, kyɛbɔ ɔkɔyɛ ná atee biala aso, mama bɛ nu biemɔ banya daa ngoa ɔ.

2 Korintofoɛ 11:21

Ɔyɛ me nya kyɛ mekã kyɛ yɛ de yɛbrɛle yɛ nwo ase soma ɔ. Nakoso bɔ ebie kora fa hoahoa ye nwo ne, medwudwo kyɛ ebiaa nnne adwene de oo, me wora mekora mefa mehoahoa me nwo bie.

2 Korintofoɛ 11:29

Nwa yeɛ ɔyɛ mmerɛ a, ná me wora nnyɛle mmerɛ ɔ? Nwa yeɛ bɛmaa ɔkɔ bɔne nu a memvɛ yaa ɔ?

2 Korintofoɛ 6:3

Yɛndo ebiala sundidua, ná ebiala angã yɛ som ne nwo dwirɛ tɛɛ.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

1 Petro 2:16

Ɛ́mɔbɔ ɛmɔ bra kyɛ fawɔnwodifoɛ, nakoso nnɛma ɛmɔfa ɛmɔ fawɔnwodi ne bɛkatakata ɛmɔ nyunu bɛyɔ bɔ ɔte bɔne ɔ; na mmom ɛ́mɔbɔ ɛmɔ bra kyɛ Nyameɛ ngoaa.

2 Petro 2:19

Bɛfa fawɔnwodi bɛbɔ bɛ anohoba, wɔ aberɛ bɔ bɛ bɔbɔ bɛte prɔlowaa ngoaa ɔ. Ofikyɛ nikyee biala bɔ odi sona so ne, ye yeɛ sona ne te ye akoaa ɔ.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.