1 Korintofoɛ 8:4 - AHYERƐLƐ KRONGRON

⁴ Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

1 Korintofoɛ 8:4 Iomraidhean Croise

Edwein 86:10

Ofikyɛ ɛte piri, na ɛyɔ anwanwadeɛ, wɔ ngome yeɛ ɛte Nyameɛ ɔ.

Yesaya 37:16

“Ao Asafo AWURADE, Yisrael Nyameɛ bɔ ɛte kɛrubim mɔ b’afia ɔ, aseɛ so ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

Yesaya 37:20

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ wɔ ngome twe yeɛ ɛte AWURADE ɔ.”

Yesaya 41:24

Ɛ́mɔtie! Ɛmɔtte huu, yeɛ bɔ ɛmɔyɔ ne ɔte mbaen, na sona bɔ ɔkɔneanea nu kɔye ɛmɔ ne, ɔte akyiwadeɛ.

Yesaya 44:24

AWURADE bɔ ɔte wɔ Defoɛ, bɔ ɔnwone wɔ wɔ eni akunu ne, ɔnwa nyoo: “Me, AWURADE, me yeɛ nyɔle nningyein amukoraa ɔ, me ngome yeɛ ndrɛtrɛle ewienu nu ɔ, me yeɛ me ngome mmayebayele aseɛ nu ndole berɛ ɔ.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 45:14

AWURADE nwa nyoo: “Misraim anwonya ne Yitiopia dwaa nningyein, Sabeafoɛ, mmienzua ndendenn, bɛkɔwa wɔ berɛ bɛkɔɔyɛ wɔ deɛ, bekoli wɔ si, bɛkɔwa wɔ berɛ bɔ ngɔnzɔngɔnzɔ gua bɛ ɔ. Bɛkɔkoto wɔ, ná basrɛ wɔ bahã kyɛ, ‘Amba, Nyameɛ gyi wɔ si, ebiala nne berɛ ko, nyameɛ biala nne berɛ bɔ ɔboka ye so ɔ.’ ”

Yesaya 45:5

Me ole AWURADE, Nyameɛ biala nne berɛ ko, Nyameɛ biala nne berɛ kyɛ me ala, mamo wɔ abrako, ɔwɔ nu kyɛ ɛnze me de;

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Yeremia 10:14

Ebiala te kwaseaa, na olle nimdeɛ; esikaa kɔkorɛ dwumvoɛ biala ye mmosoen mɔ gua ye nyunu ase, ofikyɛ ye mmosoen mɔ te nnakannaka, na nwomeɛ biala nne bɛ nu.

Marko 12:29

Na Yesu buale kyɛ, “Mmeraa dwirɛ bɔ ye nwo hia paa ɛhe: ‘O Yisrael, tie! Awurade yɛ Nyameɛ te Awurade komapɛ twe;

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Asomafoɛ 19:26

Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

1 Korintofoɛ 8:10

Na sɛ sona bie bɔ ye tiboa yɛ mmerɛ nwu wɔ bɔ ele nimdeɛ ne kyɛ edidi bosoen asɔneyɛɛ sua nu a, aso ɛhe ngɔwɔ ye kɔme asi ma ongoli bosoen so aleɛ ne bie?

1 Korintofoɛ 8:11

Na eliɛma bɔ ɔyɛ mmerɛ, bɔ Kristo wu mane ye ne, aso ɔnate wɔ nimdeɛ ti ɔsɛ kyɛ owu anaa?

Galatiafoɛ 4:8

Daa ne bɔ né ɛmɔnze Nyameɛ nen, ɛmɔyɛle ngoaa bɛmane abɔdeɛ mɔ bɔ nna nyameɛ mɔ ahɔ ɔ.

Ɛfesofoɛ 4:6

yɛ mukoraa yɛ Nyameɛ ne Baba komapɛ bɔ odi yɛ mukoraa so ɔ, odi dwumaa wɔ yɛ mukoraa nu, na ɔte yɛ mukoraa nu.

Deuteronomi 3:24

‘O AWURADE Nyameɛ, bekye ala po yeɛ ahyɛ ye bo bɔ ɛma w’akoaa nwu kyɛbɔ esi te piri, ɔne kyɛbɔ wɔ tumi te ɔ, na nyameɛ foforɛ beni yeɛ ɔwɔ anwuro anaa ase bɔ ɔkɔhora kɔyɔ nningyein mbiri mbiri ne anwanwadeɛ bɔ ɛyɔ ye ɔ?

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

Deuteronomi 4:35

Wɔ de, ɔmaa enwuni sɔ nningyein ne, amaa ɔnate so ale ato nu kyɛ AWURADE te Nyameɛ, na nyameɛ foforɛ biala nne berɛ bɔ ɔboka ye so ɔ.

Deuteronomi 4:39

Yiti, te ye bo ɛnɛ, ná fa sie wɔ ti anu, kyɛ AWURADE te Nyameɛ bɔ ɔwɔ nyameɛso anwuro anwuro ne aseɛ so ɔ, na nyameɛ foforɛ biala nne berɛ ko.

Deuteronomi 6:4

“Yisrael, tie, AWURADE yɛ Nyameɛ ne ole AWURADE komapɛ ne.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

1 Timoteo 2:5

Ofikyɛ Nyameɛ te komapɛ twe, na Nyameɛ ne adasa mmaa b’afia ndamgyinaniɛ te komapɛ, bɔ ye ole Kristo Yesu;

Yuda 1:25

Nyameɛ komapɛ bɔ ɔnate y’Awurade Yesu Kristo so ɔte yɛ Ngoadefoɛ ne, animnyam, ahennie, anwoserɛ ne tumi ɔyɛ ye deɛ daa, kekesaala ne afebɔɔ. Amen.