1 Korintofoɛ 8:12 - AHYERƐLƐ KRONGRON

¹² Na sɛ ɛmɔyɔ ɛmɔ aliɛma mɔ sɔ bɔne ne bɛfa betia bɛ tiboa bɔ ɔyɛ mmerɛ ne a, né ɛmɔayɔ batia Kristo.

1 Korintofoɛ 8:12 Iomraidhean Croise

Gyenesise 20:9

Na Abimɛlɛke frɛle Abraham bisale ye kyɛ, “Nzikyɛ dwirɛ yeɛ afa ali yɛ sɔa ye? Nzikyɛ bɔne yeɛ mafa mayɔ wɔ, bɔ yiti yeɛ ama musue piri he ato me ne m’ahennie ye? Edwirɛ bɔ ɔtte mayee yeɛ afa ali me ɔ.”

Gyenesise 42:22

Na Ruben sele bɛ kyɛ, “Manga mangyerɛ ɛmɔ kyɛ nnɛma ɛmɔyɔ abɛɛmaa ne tɛɛ biala? Nakoso ɛmɔandɛ me so. Yiti kekesaala ye, ye mogya nwo akatuaa yeɛ yɛnya ye ye.”

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Ɛksadɔso 32:21

Na Mose sele Aarɔn kyɛ “Nzikyɛ yɔleɛ paa yeɛ mmenia hemɔ fa yɔle wɔ ɔ, bɔ yiti amaa bayɔ bɔne pirikua sɔa ye?”

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:21

Yeɛ Petro wale Yesu berɛ oobisale ye kyɛ, “Awurade, pɛen nyɛɛ yeɛ nniɛma yɛ me tɛɛ a, mva ngyɛ ye ɔ? Pɛen nzoo anaa?”

Mateo 18:6

“Na ebiala bɔ ɔkɔto ngwadaammaa hemɔ bɔ bede me bedi ye anu ko sundidua nen, ahaa ɔte paa ma sɔ sona ne kyɛ bɛkɔfa nyɔboɛ kandinga bɔ bɛfa beti aburoo bekosinze ye kɔme, ná bagyi ye bato ɛpo buma nu maa wamono ɔ.

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Mateo 25:45

Na okobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔanyɔ bamma ɛhemɔ nu kaaba ko po ne, me yeɛ ɛmɔanyɔ bamma me ɔ.’

Marko 9:42

“Ebiala bɔ ɔkɔto ngwadaammaa hemɔ bɔ bede me bedi ye anu ko sundidua nen, ahaa ɔte paa ma sɔ sona ne kyɛ bɛkɔfa nyɔboɛ kandinga bɔ bɛfa beti aburoo bekosinze ye kɔme, ná bagyi ye bato ɛpo nu ɔ.

Luka 17:2

Ahaa ɔte paa ma ye kyɛ bɛkɔfa nyɔboɛ bɔ bɛfa beti aburoo bekosinze ye kɔme, ná bagyi ye bato ɛpo nu, tra kyɛ ɔkɔto ngwadaammaa hemɔ anu ko sundidua ɔ.

Romanfoɛ 14:20

Aleɛ ti nnɛsɛkye Nyameɛ adwuma. Nikyee biala nwo te amba de, nakoso ɔtte mayee kyɛ ekoli aleɛ bie bɔ ɔkɔma eliɛma kɔyɛ bɔne ɔ.

1 Korintofoɛ 12:12

Kyɛbɔ nipadua ne te ko, nakoso ole akwaa ahoroɔ; ná ɔwɔ nu kyɛ akwaa nemɔ sone de, nakoso bɛbɔ nu bɛyɛ nipadua ko ne, sɔ ala yeɛ Kristo te ɔ.

1 Samuel 2:25

Sɛ ebie yɔ bɔne tia obiɛngo a, ebie kɔpa kyerɛ kɔma ye wɔ Nyameɛ nyunu, nakoso sɛ ebie yɔ bɔne tia Nyameɛ a, nwa yeɛ ɔkɔpa kyerɛ kɔma ye ɔ?” Nakoso bandie bɛ se dwirɛ, ofikyɛ né AWURADE ayɛ kyɛ okohu bɛ.

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.