1 Korintofoɛ 8:1 - AHYERƐLƐ KRONGRON

¹ Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

1 Korintofoɛ 8:1 Iomraidhean Croise

Yesaya 47:10

“Ɛfale wɔ wora wurale w’amumuyɛɛyɔlɛ nu, na ɛhane kyɛ, ‘Sona biala nnwu me.’ Wɔ nworɛ ne wɔ nimdeɛ yeɛ bamaa amini ɔ, na ɛhane ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ.’

Yesaya 5:21

Bɛ yaakɔ! Bɛ bɔ bɛdwene kyɛ bɛte nworɛfoɛ, ná bɛdwene kyɛ bɛte badwemma ɔ!

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Asomafoɛ 15:10

Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ?

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

Asomafoɛ 21:25

Nakoso Amaenmaensofoɛ bɔ bayɛ agyidifoɛ ne de, yahyerɛ krataa yaama bɛ, na yahyire bɛ y’adwene kyɛ nnɛma bedi bosoen so aleɛ biala, anaakyɛ mogya, anaa kaka biala bɔ wawu ye mogya nu, na afei bɛhwe bɛ nwo befi adwamanbɔlɛ nwo.”

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.

Romanfoɛ 14:10

Na wɔ, nzu ati yeɛ ebua eliɛma ndɛen ɔ? Anaakyɛ wɔ koso, nzu ati yeɛ ebu eliɛma animtia ɔ? Ofikyɛ yɛ mukoraa yɛkogyina Nyameɛ ndɛenbualɛ bia ne nyunu.

Romanfoɛ 14:14

Mese, na m’adwene koso si pi wɔ Awurade Yesu nu kyɛ, nikyee biala nne berɛ bɔ ye nwo nde ɔ; na mmom ye nwo nde ma sona bɔ obu aleɛ ne kyɛ ye nwo nde ɔ.

Romanfoɛ 14:19

Yiti ɛmɔma yɛli nningyein bɔ bɛma asomdwee ɔne bɔ ɔfa ngɔsoɛ brɛ yɛ si.

Romanfoɛ 14:22

Wɔ de, wɔ gyidie bɔ ele ye fa sɔ nningyein nemɔ nwo ne, maa ɔha wɔ ne Nyameɛ b’afia. Sona bɔ ye tiboa mmua ye foɛ wɔ nikyee bɔ ɔyɔ a ɔse kyɛ ɔte paa nwo ne, wanya saleɛ.

Romanfoɛ 14:3

Sona bɔ odi ne, ɔnzɛ kyɛ obu sona bɔ onni ne animtia; yeɛ sona bɔ onni ne koso, ɔnzɛ kyɛ obua sona bɔ odi ne ndɛen, ofikyɛ Nyameɛ ale ye ato nu.

Romanfoɛ 15:14

Aliɛmaa mɔ, me bɔbɔ mede meto nu kyɛ paayɛlɛ ali ɛmɔ ti, kyɛ ɛmɔle nimdeɛ amukoraa, na ɛmɔkora betutu ɛmɔ nwo foɛ.

1 Korintofoɛ 1:5

Na nikyee biala nu ɛmɔanya bɛ nwo wɔ Kristo nu, ebie te kyɛ edwudwolɛ amukoraa ne nimdeɛ mukoraa nu.

1 Korintofoɛ 10:15

Medwudwo mekyire ɛmɔ kyɛ mmenia bɔ bɛse nworɛ ɔ, yiti ɛmɔdwene bɔ mekã ye nwo.

1 Korintofoɛ 10:28

Nakoso sɛ ebie kã kyire ɛmɔ kyɛ, “Aleɛ he te bosoen so aleɛ” de a, ye de bɔ ɔbɔle ɛmɔ amaneɛ ne ti, ɔne kuro sona tiboa ti nnɛma ɛmɔdi.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Korintofoɛ 15:34

Ɛ́mɔfa adwene paa ná ɛ́mɔyakyi bɔne yɔlɛ, ofikyɛ ɛmɔ nu biemɔ belle Nyameɛ nwo nimdeɛ. Mekã he maa ɛmɔ nyunu gua ase.

1 Korintofoɛ 4:10

Kristo ti yayɛ ngwaseafoɛ, nakoso ɛmɔ de, ɛmɔayɛ nworɛfoɛ wɔ Kristo nu! Yɛyɛ mmerɛ, nakoso ɛmɔ de, ɛmɔ nwo yɛ se. Ɛmɔ de, bedi ɛmɔ nni, nakoso yɛ de, bemmu yɛ.

1 Korintofoɛ 4:18

Ɛmɔ nu biemɔ di tutureasɛm kyɛ gyamea mengɔɔsra ɛmɔ.

1 Korintofoɛ 4:6

Aliɛmaa mɔ, ɛmɔ ti yeɛ mafa me ne Apolo yɛ nwo mayɛ mvandoho ye, amaa ɛmɔasua yɛ, ná ɛmɔammu bɔ bahyerɛ bato berɛ ne aso, ná ɛmɔ nu biala wamva sona bie wanhoahoa ye nwo wambɛ sona foforɛ poa.

1 Korintofoɛ 5:2

Nakoso ɛmɔhoahoa bɛ nwo! Ɛmɔ wora mmom yeɛ ɔsɛ kyɛ ɔbɔ ɔ, ná ɛmɔye sona bɔ wabɔ sɔ musue ne befi ɛmɔ nu.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

1 Korintofoɛ 8:2

Na sɛ ebie dwene kyɛ ole nimdeɛ a, né onnya nnyane nimdeɛ bɔ ɔsɛ kyɛ onya ɔ.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

1 Korintofoɛ 8:7

Nakoso nna mmenia mukoraa yeɛ bele nimdeɛ he ɔ. Mmenia biemɔ adwene ahɔ bosoensolɛ nu kyengyekyengye bɔ ɔbaadwu ɛnɛ ye po, sɛ bedi sɔ aleɛ ne bie a, b’adwene yɛ bɛ kyɛ amba bedi bosoen so aleɛ, na ɔma bɛ tiboa bɔ ɔyɛ mmerɛ ne gua bɛ nwo fiɛ.

Ɛfesofoɛ 4:16

ye bɔ ye nu yeɛ nipadua ne amukoraa ayɛ mumua, ɔnate akwaa ahoroɔ bɔ wahã watoatoa nu wasiesie so pɛpɛɛpɛ, bɔ ebiala ɔyɔ ye adwuma kyɛbɔ ɔfata ne ati, na ɔma nipadua ne nyi, na ɔpagya ye nwo wɔ ɔdɔ nu.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.