1 Korintofoɛ 7:9 - AHYERƐLƐ KRONGRON

⁹ Nakoso sɛ bɛngɔhora bɛngɔhyɛ bɛ nwo so de a, maa begya bie. Ofikyɛ ɔte paa kyɛ ekogya bie tra kyɛ wɔ nwo kɔhyere wɔ ɔ.

1 Korintofoɛ 7:9 Iomraidhean Croise

Asomafoɛ 19:36

Ɔnate kyɛ biala ngɔhora ngosu ɛhe nwo aporowaa ne ati, ɛmɔma b’ahone ɔ́tɔ nzue nu, na nnɛma ɛmɔyɔ basabasa biala.

1 Korintofoɛ 7:2

Nakoso adwamanbɔlɛ nwo nzɔhwɛ ti, ɔsɛ kyɛ bienzua biala nya ye bɔbɔ ɔye, na brasua biala nya ye bɔbɔ ohu.

1 Korintofoɛ 7:28

Nakoso sɛ egya braa de a, ɛyyɔle bɔne, yeɛ sɛ ababunu koso gya biaa a, ɔyyɔle bɔne. Asetena nu dwirɛ fa asodie bɔ nu yɛ no ɔ to awarefoɛ so, na ɛhe yeɛ ahaa mekuro kyɛ ɔpa ɛmɔ ti ɔ.

1 Korintofoɛ 7:36

Sɛ ebie bɔ asiwa ná asiwa ne so agyaa, ná sɛ biaa ne ngora nhyɛ ye nwo so wɔ ye asiwa ne anwo a, maa begya bɛ nwo, kyɛbɔ biaa ne pena ne ala. Ɔtte bɔne.

1 Korintofoɛ 7:39

Sɛ brasua ahu te ase a, ɔngora nne ohu ndete nu; nakoso sɛ ohu ne wu de a, né ɔne ye batete nu, na ɔkora gya bienzua biala bɔ okuro ɔ, wɔ Awurade nu ngome.

1 Tɛsalonikafoɛ 4:4

kyɛ ɛmɔ nu biala konwu kyɛ okogya ɔye wɔ anwotelɛ ne anidie nu,

1 Timoteo 5:11

Na akunafoɛ mmrasua bɔ bennyini ne, nnɛfa bɛ boka so; ofikyɛ sɛ b’akɔnnɔ ne ɔbo anwofama bɔ banya ye bama Kristo ne aso a, né bekuro kyɛ begya biaa,

1 Timoteo 5:14

Yiti mekuro kyɛ akunafoɛ ndaluwa nemɔ begyigya mmiaa ná bɛwo, ná bɛnea b’awuro so yé, ná yamma pɔfoɛ ne ate ma wangekã yɛ nwo dwirɛ tɛɛ;