1 Korintofoɛ 7:25 - AHYERƐLƐ KRONGRON

²⁵ Afei, ɔfa mmabunu nwo ne de, nnyane ahyɛdeɛ biala mmvili Awurade berɛ, nakoso mekyire m’adwene kyɛ ebie bɔ Awurade anwu ye anwumvoin ti ɔ́kã nahorɛ ɔ.

1 Korintofoɛ 7:25 Iomraidhean Croise

Edwein 78:63

See yerale bɛ mmerandeɛ mɔ, na ye sɔ ti, bɛ ndaluwa mɔ bannya ebiala maa wangya bɛ.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 4:2

Afei koso, bɔ bɛpena ye wɔ somvoɛ mɔ nwo ole kyɛ bekoli nahorɛ ɔ.

1 Korintofoɛ 7:10

Na bɛ bɔ bagya bie ne de, bɔ mekã ye, nna me mmeraa ɔ, na mmom Awurade deɛ ɔ. Nnɛma brasua yira ohu.

1 Korintofoɛ 7:12

Na ɛmɔ ngaa ne de, me yeɛ mekã ɔ, na nna Awurade ɔ: sɛ gyidiniɛ bienzua agya wiaseniɛ ná sɛ braa ne pene so kyɛ ɔne ye kɔtena a, nnɛma biaa ne yira ye.

1 Korintofoɛ 7:28

Nakoso sɛ egya braa de a, ɛyyɔle bɔne, yeɛ sɛ ababunu koso gya biaa a, ɔyyɔle bɔne. Asetena nu dwirɛ fa asodie bɔ nu yɛ no ɔ to awarefoɛ so, na ɛhe yeɛ ahaa mekuro kyɛ ɔpa ɛmɔ ti ɔ.

1 Korintofoɛ 7:34

Brasua sigyaniɛ anaa ababunu dwenedwene Awurade adwuma nwo, kyɛbɔ ɔkɔyɛ krongron wɔ nipadua ne sunzum nu ɔ; nakoso brasua bɔ ogya biaa de, ɔdwenedwene wiase nningyein nwo, kyɛbɔ ɔkɔyɛ kɔsɔ ohu nye ɔ.

1 Korintofoɛ 7:40

Sɛ ɔtena berɛ anwokwa na wangya biaa ko a, ɔte paa ma ye. Ɛhe te me bɔbɔ me nzusuleɛ, na mede medi kyɛ Nyameɛ Sunzum boka me so.

1 Korintofoɛ 7:6

Bɔ mekã ye, ɔtte kyɛ mmeraa yeɛ mehyɛ mema ɛmɔ ɔ, na mmom ɔte atee yeɛ mekyire ɛmɔ ɔ.

2 Korintofoɛ 11:17

Sɔ anwohoahoa ye nwo dwirɛ bɔ mekã ye, nna Awurade tumi yeɛ mefa mekã ɔ, na mmom mekã ye kyɛ sona bɔ nnne adwene ɔ.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.