1 Korintofoɛ 7:22 - AHYERƐLƐ KRONGRON

²² Ofikyɛ ebiala bɔ né ɔte akoaa koraka yeɛ Awurade frɛle ye ne, wayɛ Awurade dehyeɛ. Sɔ ala yeɛ ebiala bɔ né ɔte dehyeɛ koraka yeɛ bɛfrɛle ye ne, wayɛ Kristo akoaa ɔ.

1 Korintofoɛ 7:22 Iomraidhean Croise

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

1 Korintofoɛ 7:21

Bɛfrɛle wɔ ne, sɛ né ɛte akoaa a, nnɛmaa ɔha wɔ. Nakoso sɛ ɛkɔhora konya wɔ fawɔnwodi de a, pere kyɛ ekonya ye ɔ.

1 Korintofoɛ 9:19

Ɔwɔ nu kyɛ ebiala nni me so de, nakoso mayɛ me nwo akoaa mama mmenia mukoraa, amaa ɔnate so me sa ahã mmenia pee.

1 Korintofoɛ 9:21

Nyɛle me nwo kyɛ nne mmeraa bo mane bɛ bɔ bɛnne mmeraa bo ne. Nna kyɛ ebiaa menni Nyameɛ mmeraa so hɔ ɔ, na mmom nwura Kristo mmeraa bo, amaa me sa ahã bɛ bɔ bɛnne mmeraa bo ne.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Galatiafoɛ 5:1

Kristo ama yɛ fawɔnwodi amaa yayɛ nnehyeɛ. Yiti ɛ́mɔgyina pindinn, na nnɛma ɛmɔfa ɛmɔ nwo bewura ngoaasolɛ nu ko.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

Filemɔn 1:16

bɔ nna kyɛ kanganiɛ ko, na mmom ye dibea bo kanganiɛ so, kyɛ aliɛmaa bɔ ɔla m’ahone nwo paa ɔ, na wɔ de, ɔte sɔ ma wɔ tra so koraa, wɔ anwoɔnaen ne Awurade nu.

1 Petro 2:16

Ɛ́mɔbɔ ɛmɔ bra kyɛ fawɔnwodifoɛ, nakoso nnɛma ɛmɔfa ɛmɔ fawɔnwodi ne bɛkatakata ɛmɔ nyunu bɛyɔ bɔ ɔte bɔne ɔ; na mmom ɛ́mɔbɔ ɛmɔ bra kyɛ Nyameɛ ngoaa.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.