1 Korintofoɛ 7:21 - AHYERƐLƐ KRONGRON

²¹ Bɛfrɛle wɔ ne, sɛ né ɛte akoaa a, nnɛmaa ɔha wɔ. Nakoso sɛ ɛkɔhora konya wɔ fawɔnwodi de a, pere kyɛ ekonya ye ɔ.

1 Korintofoɛ 7:21 Iomraidhean Croise

Luka 12:29

Sɔ ala yeɛ nnɛma ɛmɔpena bɔ ɛmɔkoli ɔ, anaa bɔ ɛmɔkɔno ɔ; yeɛ nnɛmɔmaa ɔyɛ ɛmɔ so adwenedwene.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

1 Korintofoɛ 7:20

Ebiala hɔ so tena tebea bɔ né ɔwɔ nu koraka yeɛ Nyameɛ baafrɛ ye ne anu.

1 Korintofoɛ 7:22

Ofikyɛ ebiala bɔ né ɔte akoaa koraka yeɛ Awurade frɛle ye ne, wayɛ Awurade dehyeɛ. Sɔ ala yeɛ ebiala bɔ né ɔte dehyeɛ koraka yeɛ bɛfrɛle ye ne, wayɛ Kristo akoaa ɔ.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Filipifoɛ 4:11

Mengyire kyɛ me nwo ahyere me ti ɔ, ofikyɛ me de, masua maa wakokwa me, bɔ tebea biala bɔ nwɔ nu ne mema me nye gye ɔ.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

1 Petro 5:7

Ɛ́mɔfa ɛmɔ dadwene amukoraa begua ye so, ofikyɛ ɔdwene ɛmɔ nwo.