1 Korintofoɛ 7:11 - AHYERƐLƐ KRONGRON

¹¹ Nakoso sɛ braa ne yira a, ye ngome ɔtena anwokwa, anaakyɛ ɔne ohu besiesie b’afia na besa bɛbɔ nu. Huɛ koso, nnɛmaa oyira ɔye.

1 Korintofoɛ 7:11 Iomraidhean Croise

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yeremia 3:1

Mebisa ɛmɔ kyɛ, “Sɛ bienzua bie yira ɔye, ná braa ne fi ye berɛ kɔ, ná sɛ biaa foforɛ gya ye a, aso biaa ne kosa koogya ye bieku? Aso sɔ aseɛ ne nwo ngogua fiɛ petee? Ayɛ gyanderaniɛ ɛne wɔ kurofoɛ pee babɔ adwaman, nakoso ɛpena kyɛ esa ba me berɛ? AWURADE noa dwirɛ ɛne.

Mateo 5:32

Na me de, mekã mekyire ɛmɔ kyɛ, sɛ wanyɛ adwamanbɔlɛ ti, ná ebie yira ɔye a, ye de né wama braa ne asɛkye agyaa. Na ebiala bɔ okogya braa bɔ bayira ye nen, né sɔ biaa ne koso wasɛkye agyaa.

Marko 10:12

Yeɛ sɛ braa ne koso yira ohu ná ogya biaa foforɛ a, né ye koso wasɛkye agyaa.”

Marko 10:2

Yeɛ Farasiifoɛ wale ye berɛ kyɛ bɛbaatetɛ ye noa, na bebisale ye kyɛ, “Aso mmeraa ma ate kyɛ bienzua yira ɔye anaa?”

Luka 16:18

“Bienzua biala bɔ okoyira ɔye ná okogya braa foforɛ nen, ɔsɛkye agyaa; yeɛ bienzua biala bɔ okogya brasua bɔ ohu ayira ye nen, ɔsɛkye agyaa.

1 Korintofoɛ 7:10

Na bɛ bɔ bagya bie ne de, bɔ mekã ye, nna me mmeraa ɔ, na mmom Awurade deɛ ɔ. Nnɛma brasua yira ohu.

1 Korintofoɛ 7:12

Na ɛmɔ ngaa ne de, me yeɛ mekã ɔ, na nna Awurade ɔ: sɛ gyidiniɛ bienzua agya wiaseniɛ ná sɛ braa ne pene so kyɛ ɔne ye kɔtena a, nnɛma biaa ne yira ye.

Deuteronomi 22:19

ná bɛbɔ ye kerɛ ɛdwetɛ sekel ɛyaa ko bɛfa bɛma taluwa ne baba, ofikyɛ wato Yisrael ababunu bɔ onnwuni biaa le ɔ soen. Ɔkɔhɔ so kɔyɛ ɔye, na sɛ biaa ne te ase de a, ye de atee nne berɛ kyɛ biaa ne koyira ye ɔ.