1 Korintofoɛ 7:10 - AHYERƐLƐ KRONGRON

¹⁰ Na bɛ bɔ bagya bie ne de, bɔ mekã ye, nna me mmeraa ɔ, na mmom Awurade deɛ ɔ. Nnɛma brasua yira ohu.

1 Korintofoɛ 7:10 Iomraidhean Croise

Yeremia 3:20

Amba, brasua bɔ onni nahorɛ ne, kyɛbɔ onni nahorɛ mma ohu ne, sɔ ala yeɛ Yisrael awuro ama, ɛmɔanni nahorɛ bamma me ɔ, AWURADE noa dwirɛ ɛne.

Mateo 5:32

Na me de, mekã mekyire ɛmɔ kyɛ, sɛ wanyɛ adwamanbɔlɛ ti, ná ebie yira ɔye a, ye de né wama braa ne asɛkye agyaa. Na ebiala bɔ okogya braa bɔ bayira ye nen, né sɔ biaa ne koso wasɛkye agyaa.

Marko 10:2

Yeɛ Farasiifoɛ wale ye berɛ kyɛ bɛbaatetɛ ye noa, na bebisale ye kyɛ, “Aso mmeraa ma ate kyɛ bienzua yira ɔye anaa?”

Luka 16:18

“Bienzua biala bɔ okoyira ɔye ná okogya braa foforɛ nen, ɔsɛkye agyaa; yeɛ bienzua biala bɔ okogya brasua bɔ ohu ayira ye nen, ɔsɛkye agyaa.

1 Korintofoɛ 7:11

Nakoso sɛ braa ne yira a, ye ngome ɔtena anwokwa, anaakyɛ ɔne ohu besiesie b’afia na besa bɛbɔ nu. Huɛ koso, nnɛmaa oyira ɔye.

1 Korintofoɛ 7:12

Na ɛmɔ ngaa ne de, me yeɛ mekã ɔ, na nna Awurade ɔ: sɛ gyidiniɛ bienzua agya wiaseniɛ ná sɛ braa ne pene so kyɛ ɔne ye kɔtena a, nnɛma biaa ne yira ye.

1 Korintofoɛ 7:15

Nakoso sɛ wiaseniɛ ne kuro kyɛ oyira a, atee wɔ berɛ. Na sɛ ɔba ye sɔ a, mmeraa ngyekye gyidiniɛ bienzua anaa brasua ne, ofikyɛ Nyameɛ afrɛ yɛ kyɛ yɛtena asomdwee nu.

1 Korintofoɛ 7:25

Afei, ɔfa mmabunu nwo ne de, nnyane ahyɛdeɛ biala mmvili Awurade berɛ, nakoso mekyire m’adwene kyɛ ebie bɔ Awurade anwu ye anwumvoin ti ɔ́kã nahorɛ ɔ.

1 Korintofoɛ 7:40

Sɛ ɔtena berɛ anwokwa na wangya biaa ko a, ɔte paa ma ye. Ɛhe te me bɔbɔ me nzusuleɛ, na mede medi kyɛ Nyameɛ Sunzum boka me so.

1 Korintofoɛ 7:6

Bɔ mekã ye, ɔtte kyɛ mmeraa yeɛ mehyɛ mema ɛmɔ ɔ, na mmom ɔte atee yeɛ mekyire ɛmɔ ɔ.