1 Korintofoɛ 6:8 - AHYERƐLƐ KRONGRON

⁸ Na mmom ɛmɔpɛ bɛ nwo bedi aminɛ na bɛyɛ asisie, na ɛmɔfa bedi ɛmɔ aliɛma mɔ po.

1 Korintofoɛ 6:8 Iomraidhean Croise

Lewitikɔso 19:13

“Nnɛdi ebiɛngo ndurum, nnɛwua ye, yeɛ nnɛfa paaniɛ akatuaa wura wɔ nwo ma aleɛ kye so.

Mika 2:2

Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 20:13

“Na obuale bɛ nu ko kyɛ, ‘Damvo, nnzisili wɔ; aso ɛne me yanni ye noa kyɛ ekole denare ko anaa?

Marko 10:19

Ɛse mmeraa dwirɛ ne: ‘Nnɛdi awue, Nnɛsɛkye agyaa, Nnɛwua, Nnɛdi adanzewia, Nnɛdi aminɛ, Di ɛse ne eni ni.’ ”

Kolosefoɛ 3:25

Nakoso sona bɔ ɔyɔ bɔne ne, okonya bɔne bɔ ɔyɔ ne nwo akatuaa, ofikyɛ Nyameɛ nyɛ sona nu nyeyemuɛ

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.