1 Korintofoɛ 6:16 - AHYERƐLƐ KRONGRON

¹⁶ Gyamea ɛmɔnze kyɛ sona bɔ ɔkɔfa ye nwo kɔha adwamanbɔlɛniɛ ne, né ɔne ye bayɛ anwoɔnaen ko hɔ ɔ? Ofikyɛ Ahyerɛlɛ ne nwa, “Bɛ munyɔ bɛkɔyɛ anwoɔnaen ko.”

1 Korintofoɛ 6:16 Iomraidhean Croise

Gyenesise 2:24

Yiti bienzua kofi ɔse ne oni anwo, ná waafa ye nwo wabata ɔye, na bayɛ anwoɔnaen ko.

Gyenesise 34:31

Nakoso bebuale kyɛ, “Né yiti yɛtena berɛ ma ɔyɛ y’eliɛma brasua ne kyɛ gyanderaniɛ anaa?”

Gyenesise 38:15

Ɔnate kyɛ né Tamar afa ɛtena akuru ye ti ne ati, Yuda nwuni ye ne, obuli ye kyɛ ɔte gyanderaniɛ.

Gyenesise 38:24

Kɔyɛ ɛsraen nza asi ne, bɛbɔle Yuda amaneɛ kyɛ, “Wɔ sia Tamar wabɔ adwaman, na ɔnate so po ɔnwonzɛ.” Na Yuda hyɛle kyɛ, “Ɛmɔhwe ye befite ma bɛyera ye.”

Marko 10:8

ná bɛ munyɔ bayɛ anwoɔnaen ko.’ Yiti bɛtte nyɔ ko, na mmom bɛte anwoɔnaen ko.

1 Korintofoɛ 6:3

Aso ɛmɔnze kyɛ yɛkobua abɔfo mɔ po ndɛen ɔ? Nzaade, nzu ati yeɛ yɛngora nziesie ɛwa asetena nu dwirɛ ɔ?

Ɛfesofoɛ 5:31

Na ye sɔ ati yeɛ bienzua kɔyakyi ɔse ne oni berɛ, ná wafa ye nwo waabata ɔye nwo, ná bɛ munyɔ bayɛ anwoɔnaen ko.

Hebrifoɛ 11:31

Ɔnate gyidie so yeɛ bangu gyanderaniɛ Rahabo bammoka bɛ bɔ banne banni nemɔ aso ɔ, ofikyɛ olele bɛ bɔ bɛɛsrale maen ne anu besiele ne nyemene so.

Maenbulɛfoɛ 16:1

Ɛlɛho bie, Samson hɔle Gasa. Onwuni brasua gyanderaniɛ bie wɔ berɛ, na ɔne ye bɛɛlale.