1 Korintofoɛ 5:5 - AHYERƐLƐ KRONGRON

⁵ odi kyɛ ɛmɔye sɔ sona ne bewura Abɔnzam sa maa ɔsɛkye ye nwoɔnaen ne, amaa ye sunzum anya daa ngoa wɔ Awurade Yesu kyẽa ne.

1 Korintofoɛ 5:5 Iomraidhean Croise

YOB NWOMAA NE 2:6

Yeɛ AWURADE sele Satan kyɛ, “Nea, owura wɔ sa. Nakoso ye ngoa de, nnɛfa wɔ sa ka ye!”

Edwein 109:6

Ye bɔnefoɛ maa ɔho tia ye; ma Abɔnzam ogyina ye sa famaa so.

Anyandera 23:14

Efi ye mbire a, ekole ye kra kofi ɛborɔ.

Lewitikɔso 13:21

Nakoso sɛ ɔsɔfo ne nea, ná sɛ so nwiaa ne ɔyyɛle hoyaa, ná wannidi wangɔ ye wereɛ ne anu, ná mmom sɛ anwonyerɛ ne aberɛ ase a, ye de odi kyɛ ɔsɔfo ne ɔma ye ngome ɔte ye nwo kɔtena nekaa bie ɛlɛsoo.

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Luka 22:31

[Na Awurade sele kyɛ,] “Simɔn, Simɔn, tie, ahaa Abɔnzam kuro kyɛ ye sa kã ɛmɔ, ná ohuhu ɛmɔ so kyɛ aburoo.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

1 Korintofoɛ 1:8

Ye yeɛ okogyina ɛmɔ si pindinn koodwu ayieleɛ, amaa ɛmɔanni nikyee biala nwo fɔ wɔ y’Awurade Yesu Kristo kyẽa ne.

1 Korintofoɛ 11:32

Nakoso sɛ Awurade bua yɛ ndɛen a, ɔtwe yɛ so, amaa ɔnate so bamva yɛ bamvra wiase so bammua yɛ ndɛen.

1 Korintofoɛ 5:13

Na Nyameɛ yeɛ okobua bɛ bɔ bɛnne ɛmɔ fekue ne anu ndɛen ɔ. Yiti ɛmɔfoa amumuyɛɛniɛ ne béfi ɛmɔ nu.

2 Korintofoɛ 10:6

Na yasiesie yɛ nwo kyɛ sɛ ɛmɔ sotieyɛlɛ di mu bɔkɔɔ a, yɛkotua asoserɛ biala so kerɛ.

2 Korintofoɛ 12:7

Na kyɛbɔ ɔkɔyɛ na mamva anwanwadeɛ nyekyire hemɔ mammoma me nwo so soma ne ati, bɛfale ɛhawo bie bawura me nwonaen nu, bɔ ɔte Abɔnzam bɔfoɛ, kyɛ ɔma nwu yealɛ, ná mammoma me nwo so.

2 Korintofoɛ 13:10

Yiti mekyerɛ krataa he mebrɛ ɛmɔ wɔ mmerɛ bɔ nne ɛmɔ berɛ ɔ, amaa sɛ meba a, Awurade tumi bɔ wafa wama me ne, mamva so me ne ɛmɔ yanni ye weewee. Ofikyɛ nna ɛmɔ asefinɛ, na mmom ɛmɔ ngɔsoɛ ti yeɛ nyane sɔ tumi ne ɔ.

Filipifoɛ 1:6

na mede medi kyɛ, ye bɔ ɔhyɛle adwuma paa bo wɔ ɛmɔ nu ne, ɔkɔhɔ so kɔyɔ koyie maa okoodwu Yesu Kristo kyẽa ne.

1 Timoteo 1:20

Bɛ nu biemɔ ole Himeneo ne Aleksandro bɔ maye bɛ mama Satan, kyɛ besua kyɛbɔ bɛngɔkekã musue dwirɛ ɔ.

2 Timoteo 1:18

Mesrɛ Awurade kyɛ ɔma Awurade nwu ye anwumvoin wɔ Kyẽa ne. Na wɔ bɔbɔ ɛse ɛsolɛ worawora bɔ ɔsole me wɔ Ɛfeso ɔ.

2 Petro 3:12

wɔ mmerɛ bɔ ɛmɔnwondɛ ná ɛmɔpere kyɛ Nyameɛ kyẽa ne kɔwa ndɛ ɔ. Nu yeɛ see kɔtɔ anwuro nu kɔyera ye, na see kɔma ewienu abɔdeɛ mɔ kohuro.

1 Yohane 5:16

Sɛ ebie nwu oliɛma kyɛ ɔyɔ bɔne bɔ ɔmva ye ngɔ ewue nu a, maa ɔbɔ mbaeɛ ɔma ye, na Nyameɛ kɔfa ye mbaeɛ ne aso kɔma ye ngoa. Mekyire bɛ bɔ bɛyɔ bɔne bɔ ɔmva bɛ ngɔ ewue nu ɔ. Nakoso bɔne bie wɔ berɛ bɔ ɔfa sona kɔ ewue nu ɔ, na ɛhe de mengyire kyɛ ɔbɔ ye nwo mbaeɛ.