1 Korintofoɛ 5:2 - AHYERƐLƐ KRONGRON

² Nakoso ɛmɔhoahoa bɛ nwo! Ɛmɔ wora mmom yeɛ ɔsɛ kyɛ ɔbɔ ɔ, ná ɛmɔye sona bɔ wabɔ sɔ musue ne befi ɛmɔ nu.

1 Korintofoɛ 5:2 Iomraidhean Croise

2 Ahemvo 22:19

mmerɛ bɔ ɛtele edwirɛ bɔ nga mvale maen he ɔne nu ama nwo, kyɛ maen ne kɔbɔ ná musue kɔto bɛ ne, ɔnate kyɛ enuni wɔ nwo ná ɛbrɛle wɔ nwo ase wɔ AWURADE nyunu, ná afei esunzuale wɔ ndaadeɛ nu, ná esuni wɔ me nyunu ne ati, me koso mate bɔ aha ne. Bɔ AWURADE kã hɔ ɛne.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Hesekiel 9:6

Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

Numeri 25:6

Berɛ ne ala, bɔ begu so besu wɔ ɛtena sua atenaleɛ anoa nu berɛ ne, Yisraelniɛ bienzua bie ɔɔfale Midianniɛ braa bie oowurale ye ɛtena sua nu. Né Mose ne Yisrael maen ne amukoraa bɛ nye tua ye.

1 Korintofoɛ 4:18

Ɛmɔ nu biemɔ di tutureasɛm kyɛ gyamea mengɔɔsra ɛmɔ.

1 Korintofoɛ 5:13

Na Nyameɛ yeɛ okobua bɛ bɔ bɛnne ɛmɔ fekue ne anu ndɛen ɔ. Yiti ɛmɔfoa amumuyɛɛniɛ ne béfi ɛmɔ nu.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

2 Korintofoɛ 12:21

Ebiaa meba bieku a, me Nyameɛ kɔbrɛ me ase wɔ ɛmɔ nyunu maa ngoli ɛmɔ nu pee nwo aworabɔlɛ wɔ mmenia somaa bɔ daa bayɔ bɔne, ná kekesaala ye bɛtɛyɔ ná banzakyera b’adwene wɔ brabɔlɛ fiɛ, adwamanbɔlɛ ne ahuhubra nwo ti.