1 Korintofoɛ 5:11 - AHYERƐLƐ KRONGRON

¹¹ Na afei bɔ mekyerɛ mebrɛ ɛmɔ ole kyɛ, nnɛma ɛmɔ ne ebiala bɔ ɔfrɛ ye nwo aliɛmaa bɔ ɔbɔ adwaman, anaa ɔte anyeboroborolɛ, anaa ɔte bosoensolɛniɛ, anaa ɔte tuture, anaa akɔnomnzaniɛ anaa awueniɛ besã, nnɛma ɛmɔ ne ye to asaa bedidi po.

1 Korintofoɛ 5:11 Iomraidhean Croise

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 101:5

Ebiala bɔ ɔfea toatoa obiɛngo ne, ngɔmaa ɔkɔhã ye noa kɔto nu. Sona bɔ ɔte nduhoɛ ne anwomasoɛ ne de, mengɔpene ye.

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Mateo 18:17

Na sɛ wandie bɛ koso a, kɔhã kyire asɔre ne. Na sɛ wandie asɔre ne koso a, ye de bu ye kyɛ bosoensolɛniɛ ne ɛtoɔdidelɛniɛ.

Mateo 23:25

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔnwunzi kwangoa ne prɛte nwo, nakoso bɛ kunu de, apoo ne adifuu ayi bɛ tɛkyɛ.

Luka 18:11

Na Farasiiniɛ ne gyinane berɛ bɔle mbaeɛ ye ti anu kyɛ, ‘O Nyameɛ, meda wɔ ase kyɛ me de, nnde kyɛ mmenia ngaa ne ɔ: apoobɔlɛfoɛ, ngondombofoɛ, agyaasɛkyelɛfoɛ, anaakyɛ ɛtoɔdidelɛniɛ he po.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 9:17

Yiti Anania sili nu hɔle. Owurale awuro ne anu, ɔfale ye sa guale ye so, na ɔhane kyɛ, “Aliɛmaa Sɔɔlo, Awurade Yesu bɔ ɔyele ye nwo ali hyirele wɔ wɔ atee bɔ efi so wale ne aso ne, wasoma me wɔ wɔ berɛ, kyɛ esa nwu nikye, ná Sunzum Krongron oyi wɔ tɛkyɛ.”

Romanfoɛ 13:13

Ɛ́mɔma yɛbɔ bra paa bɔ ɔfata alehyeleɛ ɔ, na nna kyɛ anigye mmorosoɛ ne nzaabolɛ nu, nna adwamanbɔlɛ ne ahohwie nu, ngondii ne anyeboroborolɛ nu.

Romanfoɛ 16:17

Aliɛmaa mɔ, metu ɛmɔ foɛ kyɛ, ɛ́mɔnea ɛmɔ nwo yé wɔ mmenia bɔ bɛfa mbakyembakyemuɛ ne sundidua bɛba, bɔ otia ngyerɛkyerɛ bɔ ɛmɔasua ne. Ɛmɔhwe ɛmɔ nwo befi bɛ nwo!

1 Korintofoɛ 10:14

Yiti aliɛmaa mɔ, ɛmɔhwe ɛmɔ nwo befi bosoensolɛ nwo.

1 Korintofoɛ 11:21

ɔnate kyɛ sɛ ɛmɔdidi a, ebiala di ye aleɛ deɛ koraka; na ɛhɔen ku ebie ne, né ebie koso nzaa abo ye.

1 Korintofoɛ 5:13

Na Nyameɛ yeɛ okobua bɛ bɔ bɛnne ɛmɔ fekue ne anu ndɛen ɔ. Yiti ɛmɔfoa amumuyɛɛniɛ ne béfi ɛmɔ nu.

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

1 Korintofoɛ 6:6

bɔ yeɛ aliɛmaa fa aliɛmaa kɔ bɛ bɔ benne nni gya so maa bebua bɛ ndɛen ɔ?

1 Korintofoɛ 6:9

Ɛmɔnze kyɛ bɔnefoɛ ngɔhɔ Nyameɛ ahennie ne anu hɔ ɔ? Nnɛma ɛmɔlakalaka bɛ nwo: adwamanbɔlɛfoɛ, bosoensolɛfoɛ, agyaasɛkyelɛfoɛ, mmrasua bɔ bɛ ne mmrasua da, mmienzua bɔ bɛ ne mmienzua da,

1 Korintofoɛ 7:12

Na ɛmɔ ngaa ne de, me yeɛ mekã ɔ, na nna Awurade ɔ: sɛ gyidiniɛ bienzua agya wiaseniɛ ná sɛ braa ne pene so kyɛ ɔne ye kɔtena a, nnɛma biaa ne yira ye.

1 Korintofoɛ 7:15

Nakoso sɛ wiaseniɛ ne kuro kyɛ oyira a, atee wɔ berɛ. Na sɛ ɔba ye sɔ a, mmeraa ngyekye gyidiniɛ bienzua anaa brasua ne, ofikyɛ Nyameɛ afrɛ yɛ kyɛ yɛtena asomdwee nu.

1 Korintofoɛ 8:11

Na eliɛma bɔ ɔyɛ mmerɛ, bɔ Kristo wu mane ye ne, aso ɔnate wɔ nimdeɛ ti ɔsɛ kyɛ owu anaa?

Galatiafoɛ 2:12

Ofikyɛ, anzana ɛbɔfoɛ biemɔ bɛbaafi Yakobo berɛ bɛba nen, né Petro ne Amaenmaensofoɛ (agyidifoɛ) nemɔ to asaa bedidi. Nakoso bɛwale nen, ɔhwene ye nwo fili bɛ nwo, ofikyɛ né osuro bienzuapɛlɛfoɛ nemɔ.

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

2 Tɛsalonika 3:14

Na sɛ ebie ngotie bɔ yahã ye wɔ krataa ye anu a, ɛmɔhyɛ sɔ sona ne nzorɛ, na nnɛma ɛmɔ ne ye bɛbɔ afɛ, ná ɛ́mɔma ɔfɛre.

2 Tɛsalonika 3:6

Aliɛmaa mɔ, yɛle y’Awurade Yesu Kristo dumaa yɛhyɛ ɛmɔ kyɛ, aliɛmaa biala bɔ ɔnatenate basabasa ná onni ngyerɛkyerɛ bɔ onya fili yɛ berɛ ne aso ne, ɛmɔhwe ɛmɔ nwo befi ye nwo.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

2 Yohane 1:10

Sɛ ebiala ba ɛmɔ berɛ nna ottira sɔ ngyerɛkyerɛ ye a, nnɛma ɛmɔsikye ye ɛmɔ awuro anaa nnɛma ɛmɔyɛ ye akwaaba.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.