1 Korintofoɛ 5:1 - AHYERƐLƐ KRONGRON

¹ Baahã ye susu amba kyɛ ɛmɔ nu biemɔ bɔ adwaman, bɔ ye sɛso nne ewiasefoɛ po nu ɔ, ofikyɛ ebie fa ye baba aye.

1 Korintofoɛ 5:1 Iomraidhean Croise

Gyenesise 35:22

Mmerɛ bɔ né Yisrael te sɔ aseɛ ne aso nen, Ruben ne ye baba sómaa Bilha bɛlale, na Yisrael tele sɔ dwirɛ ne. Né Yakob mma mmienzua nemɔ bɛte buru ne nyɔ:

Gyenesise 37:2

Yakob abusua nwo dwirɛ ɛhe: Yosef lili afoɛ buru ne nzoo ne, né ɔne oliɛma mmienzua mɔ bɛ́fa mmoaen bɛkɔ adidie. Né ɔte abɛɛmaa bɔ ɔne ɔse aye mɔ Bilha ne Silpa mma mɔ yeɛ bɛyɔ sɔ adwuma ne ɔ. Na Yosef fale edwirɛ tɛɛ bɔ oliɛma nemɔ ali ne nwo amaneɛ ɔɔbɔle ye baba.

Gyenesise 49:4

Ɛwosowoso kyɛ nzue, yiti wɔ panyililɛ ne kɔbɔ wɔ, ofikyɛ ɛne ɛse aye bɛlale; ɛɛlale me bɛen so, eguale ye nwo fiɛ.

2 Samuel 16:22

Yiti besili ɛtena sua wɔ sua ne aso anwuro nekaa bɔ basamo ne, na Absalom ne ɔse sómaa nemɔ bɛɛlale bɔ Yisraelfoɛ amukoraa bɛ nye tua ɔ.

2 Samuel 20:3

Nana Dawide wale ye ahemvie berɛ wɔ Yerusalem. Ye sómaa buru bɔ ɔyakyili bɛ berɛ kyɛ bɛnea awuro berɛ ne, ɔmaa bɛɛtenane awuro bie anu. Ɔmaa bɛwɛnene bɛ, na ɔbɔle bɛ akɔhoma. Nakoso wamva ye nwo wanga bɛ. Yiti bɛ ngome bɛtenane dɔ alaa kyɛ akunafoɛ maa oodwuli bɛ wue.

1 Aberɛso Dwirɛ 5:1

Yisrael bamuɛbaa Ruben ye boso ama mɔ. (Ye yeɛ né ɔte bamuɛbaa ɔ. Nakoso ɔnate kyɛ ɔfale efiɛ hane ɔse mba ne ati, ye bamuɛbaa dibea ne, bɛfa bɛmane Yisrael awa Yosef ye mma mmienzua mɔ. Ye sɔ ti, bɛkyerɛ aworɛ ndoatoasoɛ ne a, bangyerɛ ye dumaa kyɛ ye yeɛ ɔte bamuɛbaa ɔ.

Yeremia 2:33

“Nea kyɛbɔ esi se atee bɔ ɛfa so kɔpena wɔ dɔfo mɔ ɔ! Yiti ɔnate so mmrasua bɔ bɛtte mayee po, ahyirehyire bɛ w’atee.

Hesekiel 16:47

Nna b’agyirɛ bɔ betuli ne bie angome yeɛ etuli ɔ, yeɛ nna b’akyiwadeɛ bra ne bie angome yeɛ ɛbɔle ɔ; na mmom mmerɛ kãa bie, ɛyɔle bɔ ɔtte mayee ɔ trale bɛ wɔ wɔ yɔleɛ amukoraa nu.

Hesekiel 22:10

Wɔ nu yeɛ mmenia bɛye bɛ se mɔ b’adagya bɛto so ɔ; na wɔ nu mmrasua bɔ babu bɛ sa, bɔ bɛ nwo nde ne, yeɛ bɛ ne bɛ bɛda ɔ.

Lewitikɔso 18:8

Nnɛne ɛse aye bɛda; ɛse aye ɛne.

Lewitikɔso 20:11

Bienzua bɔ ɔne ɔse aye bɛkɔla ne, wagua ɔse nyunu ase; odi kyɛ beku bɛ munyɔ: baa ne ɔne braa ne, na bɛ wue kɔbɔ bɛ bɔbɔ bɛ ti so.

Amose 2:7

Bɛ yeɛ betiatia ehiafoɛ ti so bɛkã bɛ ti bewura nnɛterɛ nu, ná besisi mmenia bɔ bɛyɛ anwumvo ɔ; ebie ne ɔse bɛ ne afaneɛ ko bɛda bɛfa begua me dumaa krongron ne anwo fiɛ.

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

1 Korintofoɛ 1:11

Nniɛma mɔ, Kloe awuro ama mɔ baatia me gya so kyɛ ɛmɔ afia nwo koraa.

1 Korintofoɛ 5:11

Na afei bɔ mekyerɛ mebrɛ ɛmɔ ole kyɛ, nnɛma ɛmɔ ne ebiala bɔ ɔfrɛ ye nwo aliɛmaa bɔ ɔbɔ adwaman, anaa ɔte anyeboroborolɛ, anaa ɔte bosoensolɛniɛ, anaa ɔte tuture, anaa akɔnomnzaniɛ anaa awueniɛ besã, nnɛma ɛmɔ ne ye to asaa bedidi po.

1 Korintofoɛ 6:13

“Bɛbɔle aleɛ bɛmane koɛ, yeɛ koɛ wora bɛbɔle ye bɛmane aleɛ.” Nakoso Nyameɛ kɔsɛkye bɛ munyɔ. Nipadua nne berɛ ma adwamanbɔlɛ, na mmom ɔwɔ berɛ ma Awurade, yeɛ Awurade koso wɔ berɛ ma nipadua.

1 Korintofoɛ 6:18

Ɛmɔyakyi adwamanbɔlɛ! Bɔne biala bɔ sona yɔ ne nga ye nipadua, nakoso sona bɔ ɔbɔ adwaman ne yɔ bɔne tia ye bɔbɔ ye nipadua.

1 Korintofoɛ 6:9

Ɛmɔnze kyɛ bɔnefoɛ ngɔhɔ Nyameɛ ahennie ne anu hɔ ɔ? Nnɛma ɛmɔlakalaka bɛ nwo: adwamanbɔlɛfoɛ, bosoensolɛfoɛ, agyaasɛkyelɛfoɛ, mmrasua bɔ bɛ ne mmrasua da, mmienzua bɔ bɛ ne mmienzua da,

2 Korintofoɛ 12:21

Ebiaa meba bieku a, me Nyameɛ kɔbrɛ me ase wɔ ɛmɔ nyunu maa ngoli ɛmɔ nu pee nwo aworabɔlɛ wɔ mmenia somaa bɔ daa bayɔ bɔne, ná kekesaala ye bɛtɛyɔ ná banzakyera b’adwene wɔ brabɔlɛ fiɛ, adwamanbɔlɛ ne ahuhubra nwo ti.

2 Korintofoɛ 2:5

Nakoso sɛ ebie ama aworabɔlɛ bie awa a, nna me ngome yeɛ wama me wora abɔ ɔ; na mmom atee bie aso, sɛ mékã ye kyɛbɔ medwudwolɛ noa ngɔyɛ hye a, ɛmɔ amukoraa ɛmɔboka so.

2 Korintofoɛ 7:12

Nna bɔ wayɔ ebie tɛɛ, anaa bɔ ebie ayɔ ye tɛɛ ti yeɛ ngyerɛle krataa ne mmrɛle ɛmɔ ɔ; na mmom ngyerɛ mmrɛle ɛmɔ, kyɛbɔ ɔkɔyɛ ná mmɔden bɔ ɛmɔbɔ wɔ yɛ nwo ne ala ali ama ɛmɔ wɔ Nyameɛ nyunu.

Galatiafoɛ 5:19

Anwoɔnaen dwumadie bɔ odi da adi pefee. Bɛ ɛhe: agyaasɛkyelɛ, adwamanbɔlɛ, efiɛ, ahohwie,

Ɛfesofoɛ 5:3

Na adwamanbɔlɛ, bra fiɛ amukoraa anaa anyeboroborolɛ nwo dwirɛ po, ɔnzɛ kyɛ ofite ɛmɔ nu ɔ, kyɛbɔ ɔfata anwoteefoɛ ɔ.

Deuteronomi 22:30

“Nnɛma bienzua biala gya ɔse aye, ná wannwu ɔse mvealeɛ nu nningyein nwo.

Deuteronomi 27:20

“ ‘Musue tó sona biala bɔ ɔne ɔse aye bɛkɔla ɔ, ofikyɛ onwu ɔse mvealeɛ nu nningyein nwo.’ Na mmenia ne amukoraa kosuro so kyɛ, ‘Amen!’

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

1 Tɛsalonikafoɛ 4:7

Ɔnate kyɛ, Nyameɛ amvrɛ yɛ wamma efiɛ nu, na mmom anwotelɛ nu.

Nyekyire 2:21

Mama ye mmerɛ kyɛ ɔfa sakyera fi ye adwamanbɔlɛ nu, nakoso wanzakyera.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

1 Samuel 2:24

Daabi, me mma, ɛ́mɔyakyi! Edwirɛ bɔ AWURADE mmenia bɛkeka maa mete ne, ɔtte mayee.