1 Korintofoɛ 4:9 - AHYERƐLƐ KRONGRON

⁹ Ofikyɛ ɔyɛ me kyɛ Nyameɛ wafa yɛ asomafoɛ wasie berɛ kyɛ mmenia bɔ babua bɛ kumfɔ ɔ, ɔnate kyɛ yayɛ ahyerɛ yama ewiase ne abɔfo mɔ ne adasa mmaa.

1 Korintofoɛ 4:9 Iomraidhean Croise

Edwein 44:22

Ɔnate wɔ ti beku yɛ daa biala, na bebu yɛ kyɛ mmoaen bɔ bɛfa bɛ bɛkɔ akumyɛɛ ɔ.

Edwein 71:7

Mayɛ kyɛ anwanwadeɛ wɔ mmenia pee nye so, nakoso wɔ yeɛ ɛte m’anwoserɛ afealeɛ ɔ.

Yeremia 20:18

Nzu ati koraa yeɛ mvili bɛ kunu mvitele mmale, mma nwuni ɛfɛɛ ne aworabɔlɛ, maa animguaseɛ yili m’asetena nu to ye?

Asomafoɛ 19:29

Yiti kuro ne anu amu yɛle basabasa. Na ɛlɔen ne tuli bi bɛɛhyele Makedoniafoɛ nyɔ nemɔ: Gayɔso ne Aristako, na bɛhwene bɛ bɛhɔle badwa nyunu. Né bɛ munyɔ bɛboka Pɔɔlo so wɔ ye ateetulɛ ne anu.

Asomafoɛ 19:31

Na berɛ mbanyi nemɔ bie bɔ bɛte Pɔɔlo damvo mɔ ne, bɛtole ye ngraa kyɛ bɛsrɛ ye ala, nnɛmaa otu ye gya baa tia badwa ne anu.

Romanfoɛ 8:36

Ofikyɛ bahyerɛ kyɛ, “Ɔnate wɔ ti beku yɛ daa biala; na bebu yɛ kyɛ mmoaen bɔ bɛkwaahũ bɛ ɔ.”

1 Korintofoɛ 15:19

Na sɛ ngoa he ngome nu yeɛ yɛle anyelasoɛ wɔ Kristo nu de a, né nzaade yɛyɛ anwumvo yɛtra mmenia mukoraa.

2 Korintofoɛ 11:23

Bɛte Kristo asomvoɛ anaa? Medwudwo kyɛ ebiaa nnne adwene de oo, metra bɛ: mayɔ adwuma serɛ matra bɛ, mala kuku nu somaa matra bɛ, babo me pee batra bɛ, yeɛ ewue ato afo me pee atra bɛ.

2 Korintofoɛ 6:9

bayɛ kyɛ bɛnze yɛ nakoso bɛse yɛ paa, yayɛ kyɛ yawu nakoso amba, yɛte ase, bɛhyɛ yɛ anyeborolɛ, nakoso behhuni yɛ;

1 Tɛsalonikafoɛ 3:3

amaa sɔ amaneɛnwunɛ hemɔ ammo ɛmɔ nu biala so. Ofikyɛ ɛmɔ bɔbɔ ɛmɔse kyɛ amaneɛnwunɛ bɔ odi kyɛ yɛnwu ye hɔ ala ɛne.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Hebrifoɛ 10:33

Né ɔtɔ mmerɛ bie a, begua ɛmɔ nyunu ase na bɛhyɛ ɛmɔ anyeborolɛ wɔ badwa nu; né ɔtɔ mmerɛ bie koso a, ɛmɔfa bɛ bɔ benwu amaneɛ bɛyɛ bɛ mmango.

Hebrifoɛ 11:36

Beguale ebiemɔ nyunu ase, na besa befini bɛ mbire, yeɛ ebiemɔ wora bɛbɔle bɛ panwu bɛfale bɛ beguale kuku nu.