1 Korintofoɛ 4:8 - AHYERƐLƐ KRONGRON

⁸ Nna ɛmɔ ɔ! Ɛmɔ sa ahã bɔ ɛmɔpena ɔ dada! Ɛmɔanya bɛ nwo bayie. Ɛmɔakwati yɛ bayɛ bɛ nwo ahemvo! Me kunu a, ahaa ɛmɔte ahemvo amba, amaa yɛne ɛmɔ abɔ nu yali hene.

1 Korintofoɛ 4:8 Iomraidhean Croise

Anyandera 13:7

Ebie yɛ ye nwo kyɛ ye sa nu le bie, nakoso olle huu; yeɛ ebie koso yɛ ye nwo kyɛ wahia ye, nakoso wanya ye nwo tam.

Anyandera 25:14

Sona bɔ ɔhyɛ akyɛdeɛ nwo bɔ fa hoahoa ye nwo, nakoso onni so ne, ɔte kyɛ munungum ne mvrama bɔ bɛmva esue mma ɔ.

Yesaya 5:21

Bɛ yaakɔ! Bɛ bɔ bɛdwene kyɛ bɛte nworɛfoɛ, ná bɛdwene kyɛ bɛte badwemma ɔ!

Yeremia 28:6

Na ngɔmhyɛlɛniɛ Yeremia sele kyɛ, “Amen! AWURADE ɔ́yɔ ye sɔ ala; ngɔm bɔ ahyɛ ye, AWURADE ɔ́ma ɔbra nu, ná osa ɔfa AWURADE awuro berɛ nningyein, ɔne mmenia bɔ bahye bɛ nnure nemɔ amukoraa ofi Babilɔn ɔbra wa.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Mateo 5:1

Yesu nwuni ɛlɔen ne nen, ɔhɔle bokaa bie aso, na ɔtenane ase nen, ye asuafoɛ nemɔ wale ye nwo berɛ,

Luka 6:25

“Ɛmɔ bɔ ɛmɔ ko ayi kekesaala ye ɔ, ɛmɔ yaakɔ! Ofikyɛ ɛhɔen kohũ ɛmɔ. “Ɛmɔ bɔ ɛmɔsere kekesaala ye ɔ, ɛmɔ yaakɔ! Ofikyɛ ɛmɔkosu, ná ɛmɔabɔ awuye!

Asomafoɛ 26:29

Na Pɔɔlo buale kyɛ, “Sɛ ɔhale kãa oo, ɔhhale kãa oo, me de mesrɛ Nyameɛ kyɛ nna wɔ ngome, na mmom bɛ bɔ betie me ɛnɛ ye amukoraa koso kɔyɛ kyɛ me ala; sana ngɔnzɔngɔnzɔ bɔ ogua me ye yeɛ ɔbboka so ɔ!”

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

1 Korintofoɛ 1:5

Na nikyee biala nu ɛmɔanya bɛ nwo wɔ Kristo nu, ebie te kyɛ edwudwolɛ amukoraa ne nimdeɛ mukoraa nu.

1 Korintofoɛ 4:18

Ɛmɔ nu biemɔ di tutureasɛm kyɛ gyamea mengɔɔsra ɛmɔ.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

2 Korintofoɛ 11:1

Sɛ ɛmɔfa me ngwaseasɛm ne sɔ ala ma me a, ahaa mekuro. Mesrɛ ɛmɔ ala ɛmɔfa ye sɔ!

2 Korintofoɛ 13:9

Na sɛ yɛyɛ mmerɛ, na ɛmɔ de ɛmɔyɛ se a, né yɛ nye agye; na yɛ mbaeɛ ole kyɛ ɛmɔkoli mu ɔ.

Galatiafoɛ 6:3

Ofikyɛ sɛ ebie dwene kyɛ odi mu, nakoso ɔtte huu a, ɔlakalaka ye bɔbɔ ye nwo.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

Nyekyire 3:17

Ofikyɛ ɛnwa, ‘Manya me nwo, nne agyapadeɛ, na menhia nikyee fee.’ Nakoso ɛnze kyɛ ɛyɛ anwumvo, wɔ nwo yɛ aworabɔ, wahia wɔ, wɔ nye asi, ná wɔ nwo la so ɔ.

Nyekyire 5:10

na ayɛ bɛ ahennie maen ne asɔfo ama yɛ Nyameɛ, na bekoli aseɛ so hene.”