1 Korintofoɛ 4:7 - AHYERƐLƐ KRONGRON

⁷ Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

1 Korintofoɛ 4:7 Iomraidhean Croise

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Luka 19:13

Na ɔfrɛle ye ngoaa nemɔ anu buru, na ɔmane bɛ mina buru, na osele bɛ kyɛ, ‘Ɛ́mɔfa he bɛ́yɔ adwuma kɔpem kyɛ ngɔwa ɔ.’

Yohane 1:16

Ɔnate ye adom totohyia ne aso yeɛ yɛ mukoraati yanya adom mmorosoɛ ɔ.

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Romanfoɛ 1:5

bɔ ɔnate ye so yeɛ yanya adom ne asomafoɛ adwuma bɔ yɛfa yɛma amaen maen mukoraa bɛyɛ sotie wɔ gyidie ne dumaa ne anwo,

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

Romanfoɛ 12:6

Yiti ɛ́mɔma yɛfa yɛ adom akyɛdeɛ ahoroɔ ne yɛyɛ adwuma kyɛbɔ Nyameɛ alo yɛ ɔ. Sɛ ɔte ngɔmhyɛlɛ a, ɛmɔma yɛhyɛ ngɔm kyɛbɔ yɛ gyidie te ɔ;

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 3:5

Pɔɔlo te nzu? Apolo te nzu? Yɛte Nyameɛ ngoaa bɔ ɛmɔnate yɛ so bele belili ɔ, na yɛ nu ko biala le adwuma kyɛbɔ Awurade afa awura ye sa ɔ.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

1 Korintofoɛ 7:7

Ɔhale me ngome a, ahaa mmenia amukoraa bɛte kyɛ me, nakoso ebiala le ye ti anwo adom akyɛdeɛ bɔ Nyameɛ afa ama ye ɔ; asora ebiala deɛ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

1 Petro 4:10

Na kyɛbɔ ɛmɔ nu biala wanya adom akyɛdeɛ ne, ɛ́mɔfa bɛ́so ɛmɔ nwo ɛmɔ nwo, kyɛ Nyameɛ adom ahoroɔ ne nwo neafoɛ paa mɔ.