1 Korintofoɛ 4:6 - AHYERƐLƐ KRONGRON

⁶ Aliɛmaa mɔ, ɛmɔ ti yeɛ mafa me ne Apolo yɛ nwo mayɛ mvandoho ye, amaa ɛmɔasua yɛ, ná ɛmɔammu bɔ bahyerɛ bato berɛ ne aso, ná ɛmɔ nu biala wamva sona bie wanhoahoa ye nwo wambɛ sona foforɛ poa.

1 Korintofoɛ 4:6 Iomraidhean Croise

Edwein 146:3

Nnɛma ɛmɔfa ɛmɔ wora bewura ahemvo mɔ nu, yeɛ nnɛma ɛmɔfa wora bewura adasa mmaa bɔ mmokalɛ biala mvi bɛ berɛ mma ɔ, bɛ nu.

Edwein 8:4

né dasaniɛ te nzu koraa bɔ ɛdwene ye nwo ɔ, yeɛ sona awa te nzu, bɔ ɔla w’ahone nwo ɔ?

Yesaya 2:22

Kuro sona bɔ ode nwomeɛ fa ye bonyi anu ne, nnɛma ɛmɔfa bɛ nwo bɛto ye so. Kuro sona te nzu?

Asomafoɛ 18:24

Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

1 Korintofoɛ 1:12

Mekyire kyɛ, asora bɔ ɛmɔ nu biala kã ye deɛ fa ɔ. Ebie nwa, “Me de, nwɔ Pɔɔlo bue nu”, ebie wora nwa, “Me de, nwɔ Apolo bue nu”, ebie koso nwa, “Me de, nwɔ Kefa bue nu”, yeɛ ebie koso nwa, “Me de, nwɔ Kristo bue nu.”

1 Korintofoɛ 1:19

Ofikyɛ bahyerɛ kyɛ, “Ngɔsɛkye nworɛfoɛ nworɛ ne, na mama nimdeɛfoɛ ndeaseɛ ayɛ mbaen.”

1 Korintofoɛ 1:31

Ɛhe ati, bahyerɛ kyɛ, “Ebiala bɔ ɔhoahoa ye nwo ne, maa ɔhoahoa ye nwo wɔ Awurade nu.”

1 Korintofoɛ 13:4

Ɔdɔ le aboterɛ, na ye ti anu yɛ mmerɛ; ɔdɔ de, ɔtte ahoɔyea, ongyire ye nwo, na ɔmmoma ye nwo so.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

1 Korintofoɛ 3:21

Yiti nnɛma ebiala fa kuro sona hoahoa ye nwo, ɔnate kyɛ nikyee biala te ɛmɔ deɛ.

1 Korintofoɛ 5:2

Nakoso ɛmɔhoahoa bɛ nwo! Ɛmɔ wora mmom yeɛ ɔsɛ kyɛ ɔbɔ ɔ, ná ɛmɔye sona bɔ wabɔ sɔ musue ne befi ɛmɔ nu.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

1 Korintofoɛ 9:23

Nzɛmba ne ati yeɛ meyɔ ɛhe amukoraa ɔ, amaa me koso manya nu saleɛ ne bie.

2 Korintofoɛ 10:12

Ɔnzɛ kyɛ yɛfa yɛ nwo yɛsusu, anaa yɛtoto ebiemɔ bɔ bɛkamvo bɛ bɔbɔ bɛ nwo ne, ofikyɛ mmenia bɔ bɛfa bɛ nwo besusu bɛ nwo bɛ nwo, na basa bafa batoto bɛ nwo bɛ nwo ne, bɛnze nworɛ.

2 Korintofoɛ 10:15

Yɛ de, yɛnhoahoa yɛ nwo ma ɔndra so, yɛmva ebiemɔ adwuma bɔ bayɔ yɛnhoahoa yɛ nwo. Na mmom yɛle anyelasoɛ kyɛ, sɛ ɛmɔ gyidie nyi a, ɔkɔma dwumadie bɔ Nyameɛ afa awura yɛ sa wɔ ɛmɔ berɛ ne kɔtrɛ,

2 Korintofoɛ 10:7

Ɛ́mɔma yɛnea bɔ yɛ nye tua ɔ: sɛ ebie bu ye nwo kyɛ ɔte Kristo deɛ a, maa ɔdwene ye nwo bieku kyɛ, kyɛbɔ ɔte Kristo deɛ ne, sɔ ala yeɛ yɛ wora yɛte Kristo deɛ ɔ.

2 Korintofoɛ 11:4

Ofikyɛ sɛ ebie ba ɛmɔ berɛ bakã Yesu foforɛ bie nwo dwirɛ bɔ yɛhhane, anaakyɛ sɛ ɛmɔnya sunzum foforɛ bɔ ɔne bɔ ɛmɔlili moa benyane ye ne bɛtte ko, anaakyɛ nzɛmba foforɛ bɔ ɔne bɔ ɛmɔale bato nu ne bɛtte ko a, naa ɛmɔfa anika bɛsɔ nu!

2 Korintofoɛ 12:19

Ɛmɔdwene kyɛ yɛ noa yeɛ yɛye yɛkyire ɛmɔ ɔ? Daabi. Yɛdwudwo Kristo dumaa nu wɔ Nyameɛ nyunu; na aliɛmaa mɔ, ɛmɔ ngɔsoɛ ti yeɛ ɔmaa yɛkã ɛhe amukoraa ɔ.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

2 Korintofoɛ 12:6

Na sɛ mekuro kyɛ mehoahoa me nwo po a, mengɔyɛ kwaseaa, ofikyɛ nahorɛ yeɛ ngɔhã ɔ. Nakoso mayakyi m’anwohoahoa ne po, anyɔ a né bɔ ebie nwu ye anaa bɔ ɔte fi me berɛ ne ati wabu me watra so.

2 Korintofoɛ 4:15

Ɛmɔ ti yeɛ sɔ nikyee ne wɔ berɛ ɔ, amaa mmeni pee bɔ Nyameɛ adom ɔtrɛ kɔ bɛ berɛ ne, bafa asennaa mmorosoɛ bahyɛ Nyameɛ animnyam.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

1 Tɛsalonikafoɛ 1:5

Ofikyɛ, nna yɛ noa dwirɛ ngome so yeɛ yɛnate yɛfale nzɛmba ne yɛbrɛle ɛmɔ ɔ; na mmom yɛnate tumi ne Sunzum Krongron koso so yeɛ yɛfa yɛbrɛle ɛmɔ ɔ, na yɛse ye pefee kyɛ nzɛmba ne te nahorɛ. Na ɛmɔse kyɛbɔ ɔnate ɛmɔ ti yɛsi yɛbɔle yɛ bra wɔ mmerɛ bɔ né yɛwɔ ɛmɔ berɛ ne ɔ.

2 Timoteo 2:10

Yiti ɔnate mmenia bɔ baneanea nu baye bɛ ne ati, memia me nye menwu amaneɛ mukoraa, amaa ɔnate so bɛ koso banya ngoalelɛ bɔ ɔwɔ Kristo Yesu nu ne ɔne animnyam afebɔɔ ne.