1 Korintofoɛ 4:4 - AHYERƐLƐ KRONGRON

⁴ Ofikyɛ me tiboa mmua me foɛ, nakoso ɛhe ngyire kyɛ mendɔ sii. Na Awurade yeɛ obua me ndɛen ɔ.

1 Korintofoɛ 4:4 Iomraidhean Croise

YOB NWOMAA NE 15:14

Dasaniɛ ole nwa bɔ ye nwo kora te ɔ? Sona beni yeɛ brasua awo ye bɔ ɔtengyɛ ɔ?

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

YOB NWOMAA NE 27:6

Ngotira me tenenee nu pindinn bɔ mengɔyakyi nu ɔ, na me ngoa nu bɔ nde ye, me tiboa mmua me fɔ.

YOB NWOMAA NE 40:4

“Nahorɛ nu, nnde huu! Ɔkɔyɛ sɛɛ né manya mmuayɛɛ mama wɔ? Mafa me sa mato me noa.

YOB NWOMAA NE 9:20

Sɛ medi be po a, ahaa me bɔbɔ me noa kobua me fɔ, yeɛ sɛ mvomsoɛ nne me nwo po a, ɔkɔmaa ngonwu kyɛ me dwirɛ nyɛ fɛ.

Edwein 130:3

AWURADE, sɛ ɛsesẽ amumuyɛɛ a, ao Yɛ Mene, ahaa nwa yeɛ ɔkɔhora kogyina ɔ?

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Edwein 26:12

Me gya gyi berɛ pindinn wɔ aseɛ frɛtɛɛ so, na badwa kandinga nu yeɛ ngɔye AWURADE ayɛ ɔ.

Edwein 50:6

Ewienu bɔ ye tenenee nwo dawure, ofikyɛ Nyameɛ bɔbɔ te ndɛenbualɛniɛ. Sela

Anyandera 21:2

Bɔ sona yɔ biala, ɔtengyɛ wɔ ye nye so, nakoso AWURADE yeɛ ɔkari ye ti anu dwirɛ nea ɔ.

Anyandera 29:26

Mmenia pee bɛpena maenbulɛniɛ ye nyunu animnyam, nakoso AWURADE berɛ yeɛ sona nya pɛpɛɛpɛyɛlɛ ɔ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Romanfoɛ 2:13

Ofikyɛ nna bɛ bɔ bɛse mmeraa ne yeɛ bɛte teneneefoɛ wɔ Nyameɛ nyunu ɔ, na mmom bɛ bɔ bedi mmeraa ne aso yeɛ bekobua bɛ be ɔ.

Romanfoɛ 4:2

Sɛ Nyameɛ nate Abraham nnwumaa so yeɛ obuale ye be de a, nzaade Abraham le nikyee fa hoahoa ye nwo, nakoso nna Nyameɛ nyunu ɔ.

1 Korintofoɛ 4:3

Na me de, ɔmva me nwo kyɛ ɛmɔ anaa sona biala kobua me ndɛen ɔ; me bɔbɔ po memmua me nwo ndɛen.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.