1 Korintofoɛ 4:15 - AHYERƐLƐ KRONGRON

¹⁵ Na sɛ ɛmɔle foɛtulɛfoɛ apee buru wɔ Kristo nu po a, ɛmɔ baba mɔ de, bɛnzone, ofikyɛ ɔnate nzɛmba ne aso mayɛ ɛmɔ baba wɔ Yesu Kristo nu.

1 Korintofoɛ 4:15 Iomraidhean Croise

Numeri 11:12

Aso me yeɛ mvale mmenia hemɔ amukoraati mmale wiase ɔ? Me yeɛ nwole bɛ ɔ, bɔ yeɛ ɛkã kyire me kyɛ, ‘Dodo bɛ kyɛbɔ baanealɛniɛ ododo adɔma bɔ otua nyɔfone noa ɔ’, ná mva bɛ ngɔ aseɛ bɔ ɛtale ndaen fa hyɛle bɛ nana mɔ bɔ ne aso ɔ?

Romanfoɛ 15:20

Ɛhe ati me botaeɛ ole kyɛ ngɔbɔ nzɛmba ne dawure nekaa biala bɔ bennya bɛttele Kristo dumaa le ɔ, amaa ɔnate so mandoa ebie fapem bɔ wato ɔ so,

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 15:1

Aliɛmaa mɔ, afei mekaye ɛmɔ nzɛmba bɔ nga ngyirele ɛmɔ, bɔ ɛmɔle bɛtole nu, ná ɛmɔ (gyidie) gyi so ne.

1 Korintofoɛ 3:10

Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.

1 Korintofoɛ 3:6

Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

1 Korintofoɛ 3:8

Bɔ oluale ne, ɔne bɔ oguaguale so nzue ne, bɛ mukoraa pɛ, na bɛ nu biala sa kɔha ye akatuaa kyɛbɔ ye bɔbɔ ye adwuma si te ɔ.

1 Korintofoɛ 9:12

Sɛ ebiemɔ le atee bɛkora benya nningyein befi ɛmɔ berɛ a, né yɛ de yɛlle ye nwo ate kyɛ yɛnya bɔ ɔtra sɔ anaa? Nakoso yɛ de, yamva sɔ atee ne aso; na mmom yɛmiane yɛ nye yɛpenene nikyee biala so, kyɛbɔ ɔkɔyɛ na yanzi Kristo nzɛmba ne nwo atee ɔ.

1 Korintofoɛ 9:14

Sɔ ala yeɛ Awurade ahyehyɛ kyɛ bɛ bɔ bɛkã nzɛmba ne, bekodidi nzɛmba ne nwo ɔ.

1 Korintofoɛ 9:16

Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

1 Korintofoɛ 9:18

Yiti akatuaa beni yeɛ menya ɔ? M’akatuaa ole kyɛ ngɔhã Kristo nzɛmba ne bɔ memmisa ebie dɔ hwee ɔ, ná afei asɛdeɛ bɔ odi kyɛ bɛyɔ bɛma me wɔ nzɛmba ne anwo koso memmisa ɔ.

1 Korintofoɛ 9:23

Nzɛmba ne ati yeɛ meyɔ ɛhe amukoraa ɔ, amaa me koso manya nu saleɛ ne bie.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

Galatiafoɛ 3:24

Yiti mmeraa ne yɛle yɛ neafoɛ maa oodwuli kyɛ Kristo wale ɔ, amaa ɔnate gyidie so Nyameɛ abua yɛ be.

Galatiafoɛ 3:25

Nakoso kekesaala ye bɔ gyidie wɔ berɛ ye de, yɛwwura neafoɛ ne bo ko.

Galatiafoɛ 4:19

Me mma ngwadaa, mesa medi ɛmɔ nwo yealɛ kyɛ brasua bɔ aworɛ aha ye ɔ kɔpem kyɛ Kristo sue ne kɔtena ɛmɔ nu ɔ.

2 Timoteo 4:3

Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.

Tito 1:4

na mékyerɛ mebrɛ Tito, bɔ ɛte me bɔbɔ mma wɔ gyidie komapɛ ne ala nu ɔ. Adom, anwumvoinnwunɛ ne asomdwee bɔ ofi Baba Nyameɛ ne yɛ Ngoadefoɛ Awurade Yesu Kristo berɛ ɔyɛ wɔ deɛ.

Filemɔn 1:19

Me Pɔɔlo, me bɔbɔ me sa noa ahyerɛlɛ ɛhe: Ngotua wɔ kerɛ bɔ ɔma wɔ ɔ; na ahaa menguro kyɛ mefa me noa mebɔ so kyɛ wɔ sona mumua ne po ɔma me kerɛ.

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

1 Petro 1:23

Banwo ɛmɔ bamvi nikyee bɔ ɔporɔ ɔ nu, na mmom befili bɔ ɔmborɔ ɔ nu, bɔ bɛnate Nyameɛ dwirɛ bɔ ngoa wɔ nu ná otimu berɛ daa ne aso yeɛ bawo ɛmɔ foforɛ ɔ.